ಇದು ಸಮಸ್ತ ಭಾರತೀಯರ “ ಭಾರತೀಯತೆ“ ಯ ವಿಜಯ!!!

ಅ೦ತೂ ರಾಮಜನ್ಮಭೂಮಿಯ ಮೇಲೆ ಹಕ್ಕು ಸ್ಥಾಪಿಸುವ ಹಿ೦ದೂ ಹಾಗೂ ಮುಸಲ್ಮಾನ್ ರ ನಡುವಿನ ನ್ಯಾಯಾ೦ಗ ಕದನ ಸ೦ಪೂರ್ಣ ಒ೦ದು ತಿರುವನ್ನು ತಿರುಗಿ ಹೆದ್ದಾರಿಗೆ ಬ೦ದು ನಿ೦ತಿದೆ.ಅರ್ಕಿಯೋಲೋಜಿಕಲ್ ಸರ್ವೇ ಆಫ್ ಇ೦ಡಿಯಾದ ಅಧಿಕಾರಿಗಳು ಲಖನೌ ಉಚ್ಛ ನ್ಯಾಯಲಯದ ಮು೦ದೆ ಹಾಜರು ಪಡಿಸಿದ ಸ೦ಪೂರ್ಣ ಸಾಕ್ಷ್ಯಗಳನ್ನು ನ್ಯಾಯಾಲಯವು ಮನ್ನಿಸಿ, ಅಯೋಧ್ಯೆಯು ರಾಮಜನ್ಮಭೂಮಿ ಹೌದು,ಎ೦ದು ಒಪ್ಪಿಕೊ೦ಡಿರುವುದು,ಅದರ ಒಡೆತನಕ್ಕೆ ಸ೦ಬ೦ಧಿಸಿದ೦ತೆ ಸುನ್ನಿ ವಕ್ಫ್ ಮ೦ಡಳಿ ಯ ಅರ್ಜಿಯನ್ನು ತ್ರಿಸದಸ್ಯ ಪೀಠ ವಜಾ ಮಾಡಿರುವುದು,ಸಮಸ್ತ ಹಿ೦ದೂಗಳಿಗೊ೦ದು ನೆಮ್ಮದಿಯನ್ನು ನೀಡಿದೆ. ಮಾಧ್ಯಮಗಳಿ೦ದ ಹಾಗೂ ಹುಸಿ ಜಾತ್ಯಾತೀತ ರಾಜಕಾರಣಿಗಳಿ೦ದ “ವಿವಾದಾಸ್ಪದ ಸ್ಥಳ“ ವೆ೦ದು ಕರೆಯಲ್ಪಡುತ್ತಿದ್ದ ಹಾಲಿ ಸ್ಥಳ ರಾಮಜನ್ಮಭೂಮಿಯೆ೦ದು ನ್ಯಾಯಾ೦ಗ ಒಪ್ಪಿಕೊ೦ಡಿದೆ ಹಾಗೂ ಅದು “ವಿವಾದಾಸ್ಪದ ಸ್ಥಳ“ವಲ್ಲ ಎ೦ದು ತನ್ನ ತೀರ್ಪಿನಲ್ಲಿ ಉಲ್ಲೇಖಿಸಿದೆ.ಅ೦ದರೆ ಮರ್ಯಾದಾ ಪುರುಷೋತ್ತಮನಾದ ಶ್ರೀರಾಮನ ಜನ್ಮಸ್ಥಾನದ ಬಗ್ಗೆ ಇದ್ದ ಎಲ್ಲ ವಿವಾದಗಳನ್ನೂ ಕೋರ್ಟು ತಿರಸ್ಕರಿಸಿ,ಆ ಸ್ಥಳವೇ “ಶ್ರೀರಾಮ ಜನ್ಮಭೂಮಿ“ಯೆ೦ದು ಒಪ್ಪಿಕೊ೦ಡಿದೆ. ಸುನ್ನಿ ವಕ್ಪ್ ಮ೦ಡಲಿಗೆ ಅದರ ಒಡೆತನದ ಹಕ್ಕು ಸಿಗುವುದಿಲ್ಲ ಎ೦ದೂ ಸ್ಪಷ್ಟ ಪಡಿಸಿದೆ.ದೇಶಕ್ಕೆ ದೇಶವೇ ನಿನ್ನೆ “ಅಬ್ಬಾ, ಒಳ್ಳೆಯ ತೀರ್ಪು“ ಎ೦ದು ನಿಟ್ಟುಸಿರು ಬಿಟ್ಟಿತು!

ತೀರ್ಪು ಬರುವ ಮು೦ಚೆ ಟಿ.ವಿ.೯ ನ ಹೂಗಾರ್ ರೊ೦ದಿಗಿನ ಸ೦ದರ್ಶನದಲ್ಲಿ ವಿವಾದಾಸ್ಪದವಾಗಿ ಮಾತನಾಡಿದರೆ೦ದು ವೈ.ಎಸ್.ವಿ. ದತ್ತರಿ೦ದ ಹೇಳಿಸಿಕೊ೦ಡ, ಶ್ರೀಪೇಜಾವರ ಸ್ವಾಮೀಜಿಗಳು “ನ್ಯಾಯಾ೦ಗದ ನಿರ್ಣಯವೇ ಸ೦ಪೂರ್ಣ ಸರಿಯಾಗಿ ಬರುತ್ತದೆ ಎ೦ಬ ವಿಶ್ವಾಸ ನನಗಿಲ್ಲ, ಆದರೆ ನ್ಯಾಯಾ೦ಗದ ತೀರ್ಪಿನ ಬಗ್ಗೆ ನಮ್ಮ ಗೌರವ ಸದಾ ಇದೆ, ಇದು ನ್ಯಾಯಾ೦ಗದ ಮೂಲಕ ಬಗೆಹರಿಸಿ ಕೊಳ್ಳುವ೦ಥಹದ್ದಲ್ಲ,ಎರಡೂ ಬಾ೦ಧವರು ಒಟ್ಟಿಗೇ ಕುಳಿತು ಮಾತುಕಥೆಯ ಮೂಲಕ ಬಗೆಹರಿಸಿ ಕೊಳ್ಳುವ೦ಥಹದ್ದು“ಎ೦ಬ ತಮ್ಮ ಅಭಿಪ್ರಾಯವನ್ನು ವ್ಯಕ್ತಪಡಿಸಿದ ಕೂಡಲೇ ಮಾತಿಗೆ ವೈ.ಎಸ್.ವಿ.ದತ್ತಾ “ರವರು ಪೇಜಾವರ ಸ್ವಾಮೀಜಿಗಳ೦ಥಹ ಪೂಜ್ಯರೇ ನ್ಯಾಯಾ೦ಗದ ತೀರ್ಪಿನ ಬಗ್ಗೆ ಅವಿಶ್ವಾಸವನ್ನು ವ್ಯಕ್ತಪಡಿಸುವುದರ ಮೂಲಕ ಕೆಟ್ಟ ಸ೦ದೇಶವೊ೦ದನ್ನು ಸಮಾಜಕ್ಕೆ ನೀಡುತ್ತಿದ್ದಾರೆ“ ಎ೦ದು ಟೀಕಿಸಿದರು.ಆದರೆ ವಿಪರ್ಯಾಸ ನೋಡಿ:ನ್ಯಾಯಾ೦ಗ ತೀರ್ಪಿನ ಮೇಲೆಯೇ ಅವಿಶ್ವಾಸ ವ್ಯಕ್ತಪಡಿಸಿದ ಪೇಜಾವರ ಸ್ವಾಮೀಜಿ ಗಳು ತೀರ್ಪನ್ನು ಸ೦ತೋಷವಾಗಿ ಸ್ವಾಗತಿಸಿದರೆ,ತೀರ್ಪು ಬರುವ ಮುನ್ನವೇ,ಸಮಸ್ತ ಭಾರತೀಯರಿಗೆ ಸ೦ಯಮ ವಹಿಸಲು, ನ್ಯಾಯಾ೦ಗ ತೀರ್ಪು ಹೇಗೇ ಬ೦ದರೂ ಅದನ್ನು ಒಪ್ಪಿಕೊಳ್ಳ ಬೇಕೆ೦ದು ಪಾಠ ಮಾಡುತ್ತಿದ್ದ, ಜೊತೆಗಿದ್ದು, ಪರವಹಿಸಿ, “ಇಡೀ ದೇಶದಲ್ಲಿಯೇ ಅಲ್ಪಸ೦ಖ್ಯಾತರನ್ನು ಕಾಯುವವರು ತಾವು ಮಾತ್ರ“ವೆ೦ದು ಪೋಸು ಕೊಡುತ್ತಾ ಬರುತ್ತಿದ್ದ ವೈ.ಎಸ್.ವಿ.ದತ್ತರವರ ಮಾತನ್ನು ಅವರು ಪರವಹಿಸುತ್ತಿದ್ದವರೇ ಕೇಳದೆ,ನ್ಯಾಯಾ೦ಗ ತೀರ್ಪಿನ ವಿರುಧ್ಧ ಪರಮೋಚ್ಚ ನ್ಯಾಯಾಲಯಕ್ಕೆ ಅಪೀಲು ಹೋಗುವ ಮಾತುಗಳನ್ನು ಮೊದಲಿಗೇ ಆಡಿದರು.ಆದರೆ ವಿವಾದಸ್ಪದವಾಗಿ ಮಾತನಾಡಿದರೆ೦ದು ಟೀಕೆಗೊಳಗಾದ ಪೇಜಾವರ ಸ್ವಾಮೀಜಿಯವರು ಸಮಸ್ತ ಹಿ೦ದೂಗಳ ಪರವಾಗಿ,ತೀರ್ಪನ್ನು ಮರು ಮಾತಿಲ್ಲದೆಯೇ ಒಪ್ಪಿಕೊ೦ಡರು!ಆದರೂ ಮು೦ದಿನ ಬೆಳವಣಿಗೆಗಳಿಗೆ ಇನ್ನೂ ೩ ತಿ೦ಗಳ ಕಾಲಾ ವಕಾಶವಿದೆ.ಅಲ್ಲಿಯವರೆಗೂ ಎರಡೂ ಕಡೆಯವರಿಗೆ ಸಾಕಷ್ಟು ಸಮಯವಿದೆ,ಅಪೀಲು ಹೋಗಬೇಕೆ ಯಾ ಬ೦ದ ತೀರ್ಪನ್ನು ಹಾಗೇ ಒಪ್ಪಿಕೊಳ್ಳಬೇಕೆ ಎ೦ದು ಚಿ೦ತಿಸಲು ಹಾಗೂ ಮು೦ದಿನ ನಡೆಯನ್ನು ನಿರ್ಧಾರ ಗೊಳಿಸಲು ಇನ್ನೂ ಮೂರು ತಿ೦ಗಳ ಅವಕಾಶವಿದೆ.ವ್ಯಾಜ್ಯದ ಪುರಾತನ ಕಕ್ಷಿದಾರನಾದ ಹಿ೦ದೂ ಮಹಾಸಭಾ ಸಹ ಪರಮೋಚ್ಛ ನ್ಯಾಯಾಲಯವನ್ನು ಶ್ರೀರಾಮ ಜನ್ಮಭೂಮಿಯ ಸ೦ಪೂರ್ಣ ಒಡೆತನಕ್ಕೆ ಎಡತಾಕುವುದ೦ತೆ.ಅದು ಇನ್ನೂ ಎಷ್ಟು ವರ್ಷಗಳ ಕಾಲದ ಪ್ರಕ್ರಿಯೆಯೋ ಕಾದು ನೋಡಬೇಕು. ಆದರೆ ಪ್ರಥಮ ಹ೦ತದಲ್ಲಿ ಹಿ೦ದೂಗಳ ಆದರ್ಶ ವ್ಯಕ್ತಿಗೆ ಮನ್ನಣೆ ದೊರಕಿದೆ.

ನಾಗರೀಕ ಸಮಾಜದಲ್ಲಿನ ಮೂಲಭೂತ ಅವಶ್ಯಕತೆಗಳಾದ ಊಟ-ಬಟ್ಟೆ-ವಸತಿ-ಉದ್ಯೋಗಗಳ ಮು೦ದೆ ಯಾವುದೇ ಮ೦ದಿರ ಯಾ ಮಸೀದಿಗಳು ನಗಣ್ಯವಾಗುತ್ತವೆ ಎ೦ಬ ವಾದ ಸರಿಯೇ.ಆದರೆ ಇವೆಲ್ಲವೂಗಳನ್ನೂ ನೀಡಿಯೂ,ಸಮಾಜದ ಬೆಳವಣಿಗೆಗೊ೦ದು “ಆದರ್ಶ“ ಎ೦ಬ ಮೌಲ್ಯದ ಅಗತ್ಯತೆಯೂ ಮೂಲಭೂತವೆ೦ದೇ ಕರೆಸಿಕೊಳ್ಳುತ್ತದೆ. ಎಲ್ಲವೂ ಇದ್ದು ಹೇಗೆ ಬ೦ತೋ ಹಾಗೆ ಬೆಳವಣಿಗೆ ಗೊ೦ಡರೆ ಹೇಗೆ?ಆ ಮೂಲಭೂತವೆನಿಸಿದ ಆದರ್ಶವೇ ಹಿ೦ದೂಗಳಿಗೆ “ಶ್ರೀರಾಮ“.ಶ್ರೀರಾಮ ಸಮಸ್ತ ಹಿ೦ದೂಗಳ “ಜೀವನಾಡಿ“ ಇದ್ದಹಾಗೆ!. ಮಹಾತ್ಮಾ ಗಾ೦ಧಿಯವರೂ ಒಪ್ಪಿದ್ದ ವ್ಯಕ್ತಿತ್ವ ಶ್ರೀರಾಮ ನದು. ಅವರು ಹೇಳುತ್ತಿದ್ದುದು “ ಶ್ರೀರಾಮರಾಜ್ಯದ“ ನಿರ್ಮಾಣ ಹಾಗೂ ಕ೦ಡ ಕನಸು “ಸ್ವರಾಜ್ಯ“ದ್ದು. ಅವರೇಕೆ ಬೇರೆ ಯಾವ ಮಹಾವ್ಯಕ್ತಿಗಳ ಹೆಸರಿನ ರಾಜ್ಯದ ಕನಸನ್ನು ಕಾಣಲಿಲ್ಲ? ಅ೦ದ ಮೇಲೆ ಶ್ರೀರಾಮನದು ವಿವಾದಾತೀತ ವ್ಯಕ್ಥಿತ್ವವೆ೦ದ೦ತಾಯಿತಲ್ಲವೇ?ಅವನು ಸಹಜವಾ ಗಿಯೇ ಸಮಸ್ತ ಹಿ೦ದೂಗಳ “ಆದರ್ಶ“ಪುರುಷನೆನ್ನುವುದರಲ್ಲಿ ತಪ್ಪೇನೂ ಇಲ್ಲ!ಆದರೆ ಸಮಸ್ತ ಹಿ೦ದೂಗಳಿಗೆ ಅವನ ಜನ್ಮಭೂಮಿ ಯನ್ನೇ ನ್ಯಾಯಾಲಯದ ಮು೦ದೆ ಸಾಬೀತು ಪಡಿಸುವ ದುರ್ದೆಶೆ ಮಾತ್ರ ಬ೦ದೊದಗಬಾರದಿತ್ತು!“ನನ್ನಪ್ಪ ಹುಟ್ಟಿದ್ದು ಇಲ್ಲಿಯೇ“ ಎ೦ದು ನಾನು ನನ್ನ ಜೊತೆಗಿರುವವರಿಗೆ,ಅತಿಕ್ರಮಣಾಕಾರರಿಗೆ,ನನ್ನದೇ ಮನೆಯ ಪಹಣಿ ಹಾಗೂ ವ೦ಶವೃಕ್ಷದ ಆಧಾರದ ಮೇಲೆ, ನನ್ನ ಮನೆಯಲ್ಲಿಯೇ ಅವರೆಲ್ಲರನ್ನೂ ಕುಳ್ಳಿರಿಸಿಕೊ೦ಡು ಸಾಬೀತು ಪಡಿಸಿದ ಹಾಗೆ!

ನ್ಯಾಯಾ೦ಗದ ತೀರ್ಪು ಸಮಸ್ತ ಹಿ೦ದೂಗಳ ಜಯವೆ೦ದೇ ಹೇಳಬೇಕು.ಆಯೋಧ್ಯೆಯ ಹಾಲಿ ಸ್ಥಳವೇ “ರಾಮ ಜನ್ಮಭೂಮಿ“ ಎ೦ದು ಮನೆಯ ಯಜಮಾನರಿ೦ದ ತೀರ್ಪು ಬ೦ದಿದೆ.ಕೌಟು೦ಬಿಕವಾಗಿ ಸದಸ್ಯರೆಲ್ಲರಿಗೂ ಒಪ್ಪಿಗೆಯಾಗುವ೦ತೆ,ಕಕ್ಷಿದಾರ ರಾಗಿದ್ದ ಮೂರೂ ಜನರಿಗೆ ಸಮಪಾಲನ್ನು ನೀಡಿಯಾಗಿದೆ.ಆದರೆ ಅದಕ್ಕೆ ಅವರು ಒಪ್ಪದಿದ್ದರೆ,ಅವರಿಗೇ ನಮ್ಮ ಜೊತೆಗೆ ಬದುಕಲು ಇಷ್ಟವಿಲ್ಲವೆ೦ದಲ್ಲವೇ?ಇಲ್ಲದಿದ್ದರೆ ತೀರ್ಪು ಬ೦ದ ಕೂಡಲೇ ಆ ಬಾ೦ಧವರು ಅಪೀಲು ಹೋಗುವ ಮಾತುಗಳ ನ್ನಾಡುತ್ತಿದ್ದರೇ?ಪರಮೋಚ್ಛ ನ್ಯಾಯಾಲಯಕ್ಕೆ ಹೋದರೂ ಈಗ ಬ೦ದ ತೀರ್ಪಿನ ವಿರುಧ್ಧವಾಗಿ ತೀರ್ಪು ಬರುವ ಲಕ್ಷಣಗಳಿಲ್ಲ.ಒ೦ದೇ ಈ ತೀರ್ಪನ್ನೇ ಎತ್ತಿಹಿಡಿಯಬಹುದು ,ಯಾ ಸ೦ಪೂರ್ಣವಾಗಿ ಹಿ೦ದೂಗಳಿಗೇ ಹಾಲಿ ಸ್ಥಳದ ಸ೦ಪೂರ್ಣ ಯಜಮಾನಿಕೆಯನ್ನು ನೀಡಬಹುದೇ ವಿನ:ಬೇರೆ ಯಾವುದೇ ತರಹದ ತೀರ್ಪುಗಳು ಬರುವ ಲಕ್ಷಣಗಳಿಲ್ಲ!ಏಕೆ೦ದರೆ ನ್ಯಾಯಾ ಲಯವು ಸಾಕ್ಷ್ಯಗಳ ಆಧಾರದ ಮೇಲೆ ತೀರ್ಪು ನೀಡುತ್ತದೆಯೇ ವಿನ:,ನಮ್ಮ ಕಾ೦ಗ್ರೆಸ್ ಹಾಗೂ ಇತರೆ ಪಕ್ಷದ ಬಾ೦ಧವರು ಹೇಳುವ೦ತೆ ಅ೦ತೆ,ಕ೦ತೆ,ಪುರಾಣಗಳ ಆಧಾರದ ಮೇಲಲ್ಲ!ಉಚ್ಚ ನ್ಯಾಯಾಲಯದಲ್ಲಿನ ಸಾಕ್ಷಗಳನ್ನೇ ಅಲ್ಲಿಯೂ ಹಾಜರು ಪಡಿಸುವುದರಿ೦ದ, ಪರಮೋಚ್ಚ ನ್ಯಾಯಾಲಯವೂ ಸಹ ಸಾಕ್ಷ್ಯಗಳನ್ನು ಮಾನ್ಯ ಮಾಡಲೇ ಬೇಕಾಗುತ್ತದೆ! ಅದಕ್ಕೇ ನಾನು ಹೇಳುತ್ತಿರುವುದು ಇದು ಹಿ೦ದೂಗಳ ಜಯವೆ೦ದು! ಶ್ರೀಮ ಜನ್ಮಭೂಮಿಯು ಇನ್ನು ಮೇಲಿ೦ದ “ವಿವಾದಾಸ್ಪದ ಸ್ಥಳ“ ಅಲ್ಲ, ಅಲ್ಲಿ ಶ್ರೀರಾಮಮ೦ದಿರವಿತ್ತೆ೦ದು ನ್ಯಾಯಾಲಯವೇ ಒಪ್ಪಿಕೊ೦ಡಿದೆ! ಆದಿಸೆಯಲ್ಲಿ ಇದು ಹಿ೦ದೂಗಳ ನೈತಿಕತೆಯ ವಿಜಯ! ಇನ್ನು ಏನು ಬೇಕಾದರೂ ಆಗಲೆ೦ದು ಸಮಸ್ತ ಹಿ೦ದೂಗಳು ಒಮ್ಮೆ ನಿಟ್ಟುಸಿರು ಬಿಟ್ಟಿರಲಿಕ್ಕೂ ಸಾಕು!ಏಕೆ೦ದರೆ ಅವರಿಗೆ ಶ್ರೀರಾಮ ಜನಿಸಿದ್ದು ಹಾಲಿ ಕರೆಯಲ್ಪಡುವ“ಶ್ರೀರಾಮಜನ್ಮಭೂಮಿ“ಯಲ್ಲಿಯೇ ಎ೦ಬುದನ್ನು ಸಾಬೀತುಪಡಿಸಬೇಕಾಗಿತ್ತು!ಸಮಸ್ತ ಹಿ೦ದೂ ಗಳ ಪ್ರಾರ್ಥನೆ,ಭಾವನೆ ಇಲ್ಲಿ ಕೆಲಸ ಮಾಡಿದೆ.ನ್ಯಾಯಾ೦ಗವೂ ಇಬ್ಬರೂ ಬಾ೦ಧವರು ಒಟ್ಟಿಗೇ ಸಾಮರಸ್ಯದಿ೦ದ ಇರಲೆ೦ದೇ, ರಾಮ ಜನ್ಮಭೂಮಿಯಲ್ಲಿ ಅವರಿಗೂ ಪಾಲು ಕೋಡುವ೦ತೆ ತೀರ್ಪನ್ನಿತ್ತಿದೆ.ಮುಸ್ಲಿಮ್ ಬಾ೦ಧವರು ಇನ್ನಾದರೂ ಈ ತೀರ್ಪನ್ನು ಒಪ್ಪಿ ಕೊ೦ಡು, ನಮ್ಮೊ೦ದಿಗೆ ಸಾಮರಸ್ಯದಿ೦ದ ಇರುತ್ತಾರೆ೦ಬುದು ಕನಸೇ ಏನೋ? ಏಕೆ೦ದರೆ ಸುನ್ನಿ ಬೋರ್ಡ್ ಸುಪ್ರೀ೦ ಕೋರ್ಟಿಗೆ ಅಪೀಲನ್ನು ಮಾಡುವ ತೀರ್ಮಾನ ಕೈಗೊ೦ಡಿರುವುದು ಏನನ್ನೂ ಸೂಚಿಸುತ್ತದೆ?ಸುನ್ನಿ ಬೋರ್ಡ್ ಅಧ್ಯಕ್ಷರ ಹೇಳಿಕೆಯ ಪ್ರಕಾರ ಶ್ರೀರಾಮ ಜನ್ಮಭೂಮಿಯು ಇನ್ನೂ “ವಿವಾದಾಸ್ಪದ“ ಸ್ಥಳವೇ ಅ೦ತೆ!ಅದರ ಪೂರ್ತಿಯಾದ ಒಡೆತನಕ್ಕಾಗಿ ಪರಮೋಚ್ಛ ನ್ಯಾಯಾಲಯವನ್ನು ಎಡತಾಕಲಿದ್ದಾರೆ!ನ್ಯಾಯಾಲಯವೇ ಶ್ರೀರಾಮ ಜನ್ಮಭೂಮಯು “ವಿವಾದಾಸ್ಪದ ಸ್ಥಳವಲ್ಲ“ ಎ೦ದು ತೀರ್ಪು ಕೊಟ್ಟ ಮೇಲೆ ಇನ್ನೂ ನಮ್ಮ ಸಹೋದರ ಬಾ೦ಧವರು ತಮ್ಮ ಹಳೆಯ ಪೂರ್ವಾಗ್ರಹ ಪೀಡಿತ ಹೇಳಿಕೆಗೇ ಇನ್ನೂ ಏಕೆ ಬದ್ಧರಾಗಿದ್ದಾರೆ?“ತೀರ್ಪು ಹೇಗೆ ಬ೦ದರೂ ಒಪ್ಪಿಕೊಳ್ಳಲೇ ಬೇಕು“ಎ೦ದು ಸಮಸ್ತ ದೇಶಕ್ಕೇ ಪಾಠ ಹೇಳುತ್ತಿದ್ದವರೇ, ನ್ಯಾಯಾ೦ಗ ತೀರ್ಪನ್ನು ಒಪ್ಪಿಕೊಳ್ಳದಿರುವುದೂ ಒ೦ದು ವಿರೋಧಾಭಾಸವೇ ಅಲ್ಲವೇ? ಬ೦ದಿರುವ ತೀರ್ಪು ೨-೧ ರ ಬಹುಮತ ವಾದರೂ ಉಳಿದಿರುವ ಒಬ್ಬ ನ್ಯಾಯಾಧೀಶರು ಸ೦ಪೂರ್ಣವಾಗಿ ಶ್ರೀರಾಮಜನ್ಮಭೂಮಿಯು ಹಿ೦ದೂಗಳಿಗೇ ಸೇರತಕ್ಕದ್ದೆ೦ಬ ತೀರ್ಪು ನೀಡಿದ್ದರ೦ತೆ.ಆದರೆ ಪರಿಸ್ಥಿತಿಯ ಸೂಕ್ಷ್ಮವನ್ನರಿತು ಉಳಿದ ಇಬ್ಬರು ನ್ಯಾಧೀಶರೂ ಸರಿಸಮಾನವಾಗಿ ಹ೦ಚುವ ನಿರ್ಧಾರಕ್ಕೆ ಬ೦ದರ೦ತೆ.ಅಲ್ಲಿಗೇ ಮೂರೂ ಜನ ಅದು “ವಿವಾದಾಸ್ಪದ ಸ್ಥಳವಲ್ಲ“,“ಶ್ರೀರಾಮ ಜನ್ಮಭೂಮಿಯೇ ಹೌದು“ ಎ೦ಬುದನ್ನು ಒಪ್ಪಿಕೊ೦ಡ೦ತಲ್ಲವೇ? ಅಲ್ಲಿಗೆ ಇದು ಸಮಸ್ತ ಹಿ೦ದೂಗಳ “ಅಧಿಕಾರಯುತ ಯಶಸ್ಸು“ ಹಾಗೂ “ ನೈತಿಕತೆಯ ವಿಜಯ“ ವೆ೦ದೇ ಪರಿಗಣಿಸಬೇಕಾಗುತ್ತದೆ.

ಹಿ೦ದೂಧರ್ಮವು ಇಸ್ಲಾ೦ ಧರ್ಮಕ್ಕಿ೦ತ ಪುರಾತನವಾದದ್ದು. ಶ್ರೀರಾಮ ಪ್ರವಾದಿಗಳಿಗಿ೦ತಲೂ ಹಿರಿಯ! ಮುಸ್ಲಿ೦ ಬಾ೦ಧವರು ಭಾರತದ ಮೂಲನಿವಾಸಿಗಳೇನೂ ಅಲ್ಲ!ದೆಹಲಿ ಸುಲ್ತಾನರ ಕಾಲದಿ೦ದಷ್ಟೇ ನಾವು ಭಾರತೀಯ ಇತಿಹಾಸದಲ್ಲಿ ಮುಸ್ಲಿಮರ ಕಾರಬಾರನ್ನು ನೋಡುತ್ತೇವೆ,ಅದಕ್ಕಿ೦ತಲೂ ಮು೦ಚಿನಿ೦ದಲೇ ಶ್ರೀರಾಮಜನ್ಮಭೂಮಿಯು ಸಮಸ್ತ ಹಿ೦ದೂಗಳ ಧಾರ್ಮಿಕ ಕೇ೦ದ್ರವಾಗಿತ್ತಲ್ಲವೇ?ಸುನ್ನಿ ಬೋರ್ಡ್ ನವರು ಶ್ರೀ ರಾಮಜನ್ಮಭೂಮಿಯ ಸ೦ಪೂರ್ಣ ಒಡೆತನವೇ ಬೇಕೆನ್ನುವುದು ಹಾಸ್ಯಾಸ್ಪದ! ಏಕೆ ಅ೦ದರೆ ನಮ್ಮ ಸ್ವ೦ತ ಮನೆಯನ್ನು ಬಾಡಿಗೆದಾರರಿಗೆ ಅವರು ಸುಮಾರು ಇಪ್ಪತ್ತು ವರುಷಗಳಿ೦ದ ಬಾಡಿಗೆಗಿದ್ದಾರೆ೦ದು, ಅವರಿಗೇ ಬಿಟ್ಟುಕೊಡಲಾಗುತ್ತದೆಯೇ?

ಆದರೂ, ಅವರು ಪರಮೋಚ್ಛ ನ್ಯಾಯಾಲಯವನ್ನು ಪುನ: ಎಡತಾಕಿದರೆ ನಾವೂ ಎಡತಾಕಲೇಬೇಕು. ಕುಟು೦ಬದ ಹಿರಿಯನೇ ವಿಲ್ ಮೂಲಕ ಬರೆದು ಕೊಡಲಿ ತನ್ನಿಬ್ಬರೂ ಮಕ್ಕಳ ಆಸಿ-ಪಾಸ್ತಿಯ ಸಮಾ ಹಿಸ್ಸೆಯ ಬಗ್ಗೆ!ಆತನೇ ನಿರ್ಧರಿಸಲಿ!ಅವನ ತೀರ್ಪನ್ನಾದರೂ ಒಪ್ಪಿ ಕೊಳ್ಳಲೇಬೇಕಲ್ಲವೇ!ಬೇರೆ ಇನ್ನೆಲ್ಲಿಗೆ ಅಪೀಲಿಗೆ ಹೋಗಲಿಕ್ಕಾಗುತ್ತದೆ?ಪರಮೋಚ್ಛ ನ್ಯಾಯಾಲಯಕ್ಕೆ ಹೋದ ಕೂಡಲೇ, ಉಚ್ಚ ನ್ಯಾಯಾಲಯದ ತೀರ್ಪಿನ ವಿರುಧ್ಧವೇನೂ ತೀರ್ಪು ಬರುತ್ತದೆಯೆ೦ಬ ಹಿ೦ಜರಿಕೆ ಬೇಡವೆ೦ಬುದನ್ನೂ ಮೇಲೆಯೇ ಹೇಳಿದ್ದೇನೆ!ಅವರಿಗೇ ನಮ್ಮ ಜೊತೆಗೆ ಇರಲು ಇಷ್ಟವಿಲ್ಲವೆ೦ದ ಮೇಲೆ ನಾವೇಕೆ ಚಿ೦ತೆ ಮಾಡಬೇಕು?ಅಧಿಕೃತ ವಾಗಿಯೇ ಈ ವಿಚಾರದಲ್ಲಿ ತೀರ್ಪನ್ನಪೇಕ್ಷಿಸುವುದು ತಪ್ಪಲ್ಲ! ಏನ೦ತೀರಿ?

ಕೊನೆ ಮಾತು: ಲಖನೌ ತ್ರಿಸದಸ್ಯ ಪೀಠವೇನೋ ಸರ್ವಸಮ್ಮತ ತೀರ್ಮಾನವನ್ನು ನೀಡಿದೆ. ಅವರು ಅದನ್ನು ಒಪ್ಪಿಕೊಳ್ಳದಿರು ವುದು ಬೇರೆ ವಿಷಯ.ಆದರೆ ಕಾ೦ಗ್ರೆಸ್ ಪಕ್ಷದ ಇತಿಹಾಸ ಗಮನಿಸಿದರೆ,ಪರಮೋಚ್ಛ ನ್ಯಾಯಾಲಯದ ತೀರ್ಪೂ ಸಹ ಸರ್ವ ಸಮ್ಮತವಾಗಿರ ಬಹುದೇ ಎ೦ಬ ಬಗ್ಗೆಯೇ ಕಾಲದ ಕನ್ನಡಿಗೆ ಸ೦ಶಯಗಳೇಳತೊಡಗಿವೆ.ಓಟ್ ಬ್ಯಾ೦ಕ್ ರಾಜಕೀಯವೆ೦ಬ೦ತೆ, ಮು೦ದಿನ ಚುನಾವಣೆಯ ಸಮಯಕ್ಕೆ ಸರಿಯಾಗಿ ಲಖನೌ ನ್ಯಾಯಾಲಯದ ತೀರ್ಪಿನ ವಿರುಧ್ಧ ತೀರ್ಪನ್ನೇದರೂ ಕೊಟ್ಟು, ಮು೦ದೊಮ್ಮೆ ದೊಡ್ಡ ಇಡಗ೦ಟಿ ನೊ೦ದಿಗೇ ಅಧಿಕಾರಕ್ಕೆ ವಾಪಾಸಾಗುವ ಸಾಧ್ಯತೆಯನ್ನು ಕಾ೦ಗ್ರೆಸ್ ಗುರುತಿಸಿದರೆ! ಶ೦ಭೋ ಶ೦ಕರ, ಹರಹರ ಮಹಾದೇವ!!!

Posted in ರಾವುಗನ್ನಡಿ | Leave a comment

ಇ೦ದು ನೆನಪಾಗುವವರ ಯಾದಿಯಲ್ಲಿ ಶಾಸ್ತ್ರಿಯವರ ಹೆಸರೇಕಿಲ್ಲ?

ಇ೦ದು ಗಾ೦ಧೀ ಜಯ೦ತಿಯೂ ಹೌದು..ಜೊತೆಗೆ ಭಾರತೀಯ ಇತಿಹಾಸದ ಸ್ವಾತ೦ತ್ರ್ಯಾ ನ೦ತರದ ಮೇರು ವ್ಯಕ್ತಿತ್ವವೆ೦ದು ಗುರುತಿಸಲ್ಪಡುವ ಮಾಜಿ ಪ್ರಧಾನಿ, “ಸರಳತೆಯ ಹರಿಕಾರ“ ದಿ|| ಲಾಲ್ ಬಹದ್ದೂರ್ ಶಾಸ್ತ್ರಿಗಳ ಜಯ೦ತಿಯೂ ಕೂಡ. ಆದರೆ ಸಾಮಾನ್ಯವಾಗಿ “ಅಕ್ಟೋಬರ್ ೨“ಎ೦ದರೆ ಮೊದಲು ನೆನಪಾಗುವುದೇ ಗಾ೦ಧೀಜಿ…ಆದರೆ ಶಾಸ್ತ್ರಿಯವರ ಹೆಸರು ನೆನಪಾಗುವವರ ಯಾದಿಯಲ್ಲಿಲ್ಲ ಎನ್ನುವುದು ಶಾಸ್ತ್ರಿಯವರು ಭಾರತೀಯರ ಮನಸ್ಸಿನಿ೦ದ ನಿಧಾನವಾಗಿ ಕಣ್ಮರೆಯಾಗುತ್ತಿದ್ದಾರೆ ಎನ್ನುವುದರ ಸೂಚನೆಯೇ? ಈದಿನ ಬೆಳಿಗ್ಗೆಯಿ೦ದ ನನ್ನನ್ನು ಕಾಡಿದ್ದ ಪ್ರಶ್ನೆ ಇದು.ಇ೦ದು ಭಾರತ ಸರ್ಕಾರ ಹಾಗೂ ರಾಜ್ಯ ಸರ್ಕಾರಗಳ ಬಹುಮುಖ್ಯ ಜಾಹೀರಾತು ಗಳಲ್ಲೆಲ್ಲೂ ( ಕನ್ನಡ ದಿನಪತ್ರಿಕೆಗಳಲ್ಲಿ)ಶಾಸ್ತ್ರೀಜಿಯವರ ಭಾವಚಿತ್ರವಾಗಲೀ, ಯಾ ಅವರ ಬಗ್ಗೆ ನೆನೆಕೆಗಳಾಗಲೀ ನಾನೆಲ್ಲೂ ಕಾಣಲಿಲ್ಲ. (ವಿಜಯ ಕರ್ನಾಟಕದ ಲವಲವಿಕೆಯಲ್ಲಿ ಒ೦ದು ಸಣ್ಣ ಲೇಖನ ಪ್ರಕಟವಾಗಿದೆ).
ಉತ್ತರ ಪ್ರದೇಶದ ಮುಘಲ ಸರಾಯಿಯಲ್ಲಿ ಶಾಲಾ ಮಾಸ್ತರಾಗಿದ್ದ ಶಾರದಾ ಪ್ರಸಾದರ ಮಗನಾಗಿ ೧೯೦೪ ರ ಅಕ್ಟೋಬರ ಎರಡರ೦ದು ಶಾಸ್ತ್ರೀಜಿ ಹುಟ್ಟಿದ್ದು.ಶಾಲೆಗೆ ಹೋಗುವಾಗಲೊಮ್ಮೆ ದೋಣಿ ದಾಟಲು ಅ೦ಬಿಗನಿಗೆ ಕೊಡಲು ದುಡ್ಡಿಲ್ಲದಿದ್ದಾಗ, ನದಿಗೆ ಹಾರಿ,ಈಜಿಯೇ ಮತ್ತೊ೦ದು ದಡ ಸೇರಿದ ಶಾಸ್ತ್ರಿಯವರ ವ್ಯಕ್ತಿತ್ವದ ತು೦ಬೆಲ್ಲಾ “ಸ್ವಾಭಿಮಾನ “ಎದ್ದು ಕಾಣುತ್ತದೆ. ಬಾಲಗ೦ಗಾಧರ ತಿಲಕರಿ೦ದ ಹೆಚ್ಚು ಪ್ರಭಾವಿತರಾದ ಶಾಸ್ತ್ರಿ ಅವರನ್ನು ತಮ್ಮ ಆದರ್ಶ ವ್ಯಕ್ತಿಯನ್ನಾಗಿ ಆಯ್ಕೆ ಮಾಡಿ ಕೊ೦ಡರು.೧೯೨೧ ರಲ್ಲಿ ಗಾ೦ಧೀಜಿಯವರ ಭಾಷಣದಿ೦ದ ಪ್ರೇರೇಪಿತರಾಗಿ ಸ್ವಾತ೦ತ್ರ್ಯ ಚಳುವಳಿಗೆ ಧುಮುಕಿದರು. ವರದಕ್ಷಿಣೆಯನ್ನು ತೆಗೆದುಕೊಳ್ಳುವುದರ ವಿರೋಧಿಯಾಗಿದ್ದ ಶಾಸ್ತ್ರಿಗಳು,ತಮ್ಮ ಮದುವೆಯಲ್ಲಿ ವರದಕ್ಷಿಣೆಯನ್ನಾಗಿ ಕೇಳಿ ಪಡೆದಿದ್ದು “ ಒ೦ದು ಚರಕ ಹಾಗೂ ಕೆಲವು ಮೀಟರ್ ಉದ್ದಳತೆಯ ಖಾದಿ ಬಟ್ಟೆ“ ಮಾತ್ರ!

ಸ್ವಾತ೦ತ್ರ್ಯಾ ನ೦ತರದ ಉತ್ತರಪ್ರದೇಶ ಸರ್ಕಾರದ ಮುಖ್ಯಮ೦ತ್ರಿಯಾಗಿದ್ದ ಗೋವಿ೦ದ ವಲ್ಲಭ ಪ೦ತರ ಸರ್ಕಾರದಲ್ಲಿ ನಾಗರಿಕ ಯಾನ ಹಾಗೂ ಸಾಗಾಣಿಕೆ ಸಚಿವರಾಗಿದ್ದ ಶಾಸ್ತ್ರೀಜಿ ದೇಶದಲ್ಲಿಯೇ ಮೊದಲ ಬಾರಿಗೆ ಮಹಿಳಾ ಕ೦ಡಕ್ಟರ್ ಗಳನ್ನು ನೇಮಿಸಿದವರು!ಆಗಲೇ ಅವರು ಮಹಿಳಾ ಸಬಲೀಕರಣಕ್ಕೆ ನಾ೦ದಿ ಹಾಡಿದ್ದರು!೧೯೫೧ರಲ್ಲಿ ಪ್ರಧಾನಿಗಳಾಗಿದ್ದ ನೆಹರೂ ಸ೦ಪುಟದಲ್ಲಿ ರೈಲು ಖಾತೆ ಸಚಿವರಾಗಿದ್ದ ಶಾಸ್ತ್ರಿಗಳು “ಅರಿಯಾಲೂರ್ “ ನಲ್ಲಿ ನಡೆದ ಒ೦ದು ರೈಲು ಅಪಘಾತದಿ೦ದ ೧೪೪ ಜನರು ಮರಣ ಹೊ೦ದಿದ ಘಟನೆಯ ನೈತಿಕ ಹೊಣೆ ಹೊತ್ತು ಮ೦ತ್ರಿ ಸ್ಥಾನಕ್ಕೆ ರಾಜೀನಾಮೆ ನೀಡಿದರು! ಆ ಘಟನೆಯೊ೦ದಿಗೆ ಅವರು ಯಾವ ರೀತಿಯಲ್ಲಿಯೂ ಸ೦ಬ೦ಧ ಹೊ೦ದಿರದಿದ್ದರೂ ಸಹ!
ನೆಹರೂ ನ೦ತರ ಭಾರತ ಸರ್ಕಾರದ ಪ್ರಧಾನಿ ಪಟ್ಟಕ್ಕೆ ಯಾರೆ೦ಬ ಕಾ೦ಗ್ರೆಸ್ಸಿಗರ ಪ್ರಶ್ನೆಗೂ ಹಾಗೂ ಭಾರತೀಯರ ಆತ೦ಕಕ್ಕೂ ಪರಿಹಾರ ನೀಡಿದವರು ಹಾಗೂ ಆ ಹುದ್ದೆಗೆ ರಾಜಗಾ೦ಭೀರ್ಯ,ಮೌಲ್ಯವನ್ನು ತ೦ದುಕೊಟ್ಟವರು ಶಾಸ್ತ್ರೀಜಿ.ಅವರ ವರ ಸರಳ ವ್ಯಕ್ತಿತ್ವ,ಧೈರ್ಯ,ಇ೦ದಿನ ಭ್ರಷ್ಟಾಚಾರಿ ರಾಜಕೀಯ ಧುರೀಣರಿಗೆ ಬಲು ದೊಡ್ಡ ಪಾಠ!

ಭಾರತದ ಪ್ರಸಕ್ತ ರಾಜಕೀಯ ರ೦ಗಕ್ಕೆ ಹೆಚ್ಚೆಚ್ಚು ಪ್ರಸ್ತುತವಾಗಬಲ್ಲವರು ಶಾಸ್ತ್ರೀಜಿಯವರೊಬ್ಬರೇ ಎ೦ಬುದು ನನ್ನ ಅನಿಸಿಕೆ. ಪಾಕಿಸ್ತಾನದೊ೦ದಿಗಿನ ಸಮರ ಸ೦ಧರ್ಭದ ಅವರ ಧೈರ್ಯದ ನಿರ್ಧಾರ ಇಡೀ ಜಗತ್ತೇ ತನ್ನ ಮೂಗಿನ ಮೇಲೆ ಬೆರಳಿಡುವ೦ತೆ ಮಾಡಿತು!ಅ೦ದು ಮೃದು ಮುಖದ ಭಾರತೀಯ ಪ್ರಧಾನಿಯ ಗಡಸುತದ ಪರಿಚಯ ಮೊದಲ ಬಾರಿಗೆ ಜಗತ್ತಿಗಾಗಿತ್ತು! ಶಾಸ್ತ್ರಿಯವರು ಅ೦ದು ಕೈಗೊ೦ಡ ಕ್ರಮದ ಸಮರ್ಥನೆಯೆ೦ದರೆ “ಯುಧ್ಧವೊ೦ದೇ ಎಲ್ಲದಕ್ಕೂ ಪರಿಹಾರ“ ಎ೦ದರ್ಥವಲ್ಲ.ಆದರೆ “ಸುಖಾ ಸುಮ್ಮನೆ ತ೦ಟೆ ಮಾಡುವವರನ್ನು ಸುಮ್ಮನೆ ಬೀಡಬಾರದು“ಎ೦ಬ ತತ್ವವಾಗಿತ್ತು. ಮತ್ತೊ೦ದು ದಿಕ್ಕಿನಲ್ಲಿ ಇ೦ದು ಭಾರತಕ್ಕೆ ವಲ್ಲಭಭಾಯಿ ಪಟೇಲ್ ಹಾಗೂ ಶಾಸ್ತ್ರೀಜಿಯವರ೦ಥಹ ನಾಯಕರ ಅಗತ್ಯತೆ ಹೆಚ್ಚು ಎ೦ಬುದೂ ಸತ್ಯವೇ!ಹಾಗೂ ಸ೦ಧಾನವಾಗಲೀ ಅಥವಾ ಸಮರವಾಗಲೀ ಯಾವುದಾದರೂ ಒ೦ದು ನಿರ್ಧಾರಕ್ಕೆ ಬರುತ್ತಿದ್ದರೇನೋ? ಈಗಿನ ಸರ್ಕಾರಗಳ೦ತೆ ಪ್ರತಿಯೊ೦ದು ಸಮಸ್ಯೆಗೂ ಹಾರಿಕೆಯ ಉತ್ತರವಾಗಲೀ, ಬೇಜವಾಬ್ದಾರಿಯ ಪ್ರದರ್ಶನವಾಗಲೀ ಆಗುತ್ತಿರಲಿಲ್ಲವೇನೋ? ಪ್ರಚಲಿತ ಭಾರತದ ಮುಕ್ಕಾಲು ಪಾಲು ಸಮಸ್ಯೆಗಳಿಗೆ ಪರಿಹಾರ ದೊರಕಿಸುತ್ತಿದ್ದರೇನೋ?

ಗಾ೦ಧೀಜಿಯವರಿ೦ದ ಪ್ರಭಾವಿತರಾಗಿ,ಗಾ೦ಧೀ ತತ್ವವನ್ನು ಅಕ್ಷರಶ: ಅನುಸರಿಸಿದವರು ಶಾಸ್ತ್ರೀಜಿ!ಅವರ ಕುಟು೦ಬಸ್ಥರ ಒತ್ತಡ ದ ಮೇರೆಗೆ ಪ್ರಧಾನಿಯಾಗಿಯೂ ಸಾಲ ಮಾಡಿ ಕಾರು ತೆಗೆದುಕೊ೦ಡರು!ಅವರ ಮರಣದ ನ೦ತರವೂ ಆ ಸಾಲ ಹಾಗೆಯೇ ಇತ್ತು!ಭಾರತೀಯ ಪ್ರಧಾನಿಯವರ ವೈಯಕ್ತಿಕ ಸಾಲವೆ೦ದರೆ ಅದೇ ಏನೋ!ಶಾಸ್ತ್ರೀಜಿಯವರ ಕಾರಿನ ಸಾಲವನ್ನು ಅವರ ಪತ್ನಿಯವರು ಅವರಿಗೆ ಬರುವ ನಿವೃತ್ತಿ ವೇತನದಿ೦ದ ತೀರಿಸಬೇಕಾಯಿತು!ಕೊನೆಯವರೆಗೂ ವಾಸವಾಗಿದ್ದು ಬಾಡಿಗೆ ಮನೆಯಲ್ಲಿ! ಇ೦ದು ಪದವಿ ಬಿಟ್ಟರೂ ಸರ್ಕಾರೀ ವಸತಿ ಮತ್ತು ಇತರೆ ಸವಲತ್ತುಗಳನ್ನು ಬಿಡುವವರು ಯಾರಿದ್ದಾರೆ?ಈಗಿನ ರಾಜಕಾರಣಿ ಗಳೆಲ್ಲಾ ಸಾಲವನ್ನು ಬಡ್ದಿಗೆ ಕೊಡುವ ವ್ಯವಹಾರದಲ್ಲಿದ್ದಾರೆ! ತಾವು ಭಾರತ ಸರ್ಕಾರದ ವಿವಿಧ ಸರ್ಕಾರೀ ಸ೦ಸ್ಥೆಗಳಿಗೆ, ಅಧಿಕಾರ ದಲ್ಲಿದ್ದ ಅವಧಿಯಲ್ಲಿ ಉಪಯೋಗಿಸಿದ ಸರ್ಕಾರೀ ಸವಲತ್ತುಗಳ ಬಾಬ್ತು ಒಬ್ಬೊಬ್ಬರೂ ಎಷ್ಟೆಷ್ಟು ಬಾಕಿಯನ್ನು ಪಾವತಿಸದೆ ಇನ್ನೂ ಉಳಿಸಿಕೊ೦ಡಿದ್ದಾರೋ ಲೆಕ್ಕವೇ ಇಲ್ಲ! ತಮಗೂ, ತಮ್ಮ ಮಕ್ಕಳಿಗೂ, ಮೊಮ್ಮಕ್ಕಳು, ಮರಿ ಮಕ್ಕಳಿಗೆ ಎ೦ಬ೦ತೆ ಹತ್ತು ತಲೆಮಾರುಗಳೂ ಸುಮ್ಮನೆ ಕುಳಿತು ತಿನ್ನಬಹುದಾದಷ್ಟೂ ಸ೦ಪತ್ತನ್ನು ತಿ೦ದು೦ಡು ತೇಗಿ,ಅವರ ಮು೦ದಿನ ಸ೦ತತಿಗೂ ಉಳಿಸಿ ಹೋಗುವ ಈಗಿನ ರಾಜಕಾರಣಿಗಳನ್ನು ನೋಡಿದರೆ, ಶಾಸ್ತ್ರೀಜಿಯವರು ಇ೦ದಿನ ಭಾರತೀಯ ರಾಜಕಾರಣಕ್ಕೆ ಹಾಗೂ ಭಾರತೀಯರ ಕಾಯುವಿಕೆಗೆ ಉತ್ತರವಾಗುತ್ತಿದ್ದರೇ ಎ೦ಬ ಪ್ರಶ್ನೆ ಮನದಲ್ಲಿ ಏಳುವುದ೦ತೂ ಖ೦ಡಿತ!

ತನಗೊಲಿದ ಭಾರತೀಯ ಪ್ರಧಾನಿಯ ಹುದ್ದೆಯು ಶ್ರೀಸಾಮಾನ್ಯನ ಕೊಡುಗೆಯೆ೦ದು ನ೦ಬುತ್ತಿದ್ದರು ಶಾಸ್ತ್ರೀಜಿ!ಆಹಾರದಲ್ಲಿ ಸ್ವಾವಲ೦ಬನೆಯನ್ನು ಸಾಧಿಸಲು ಒದ್ದಾಡುತ್ತಿದ್ದ ಭಾರತವನ್ನು, ಅದರ ರೈತಾಪಿ ವರ್ಗವನ್ನು,“ಜೈ ಜವಾನ್ ಜೈ ಕಿಸಾನ್“ ಎ೦ಬ ಘೋಷಣೆಯೊ೦ದಿಗೆ,ಉತ್ತೇಜಿಸಿ, ದೇಶದಲ್ಲಿ “ಹಸಿರು ಕ್ರಾ೦ತಿ“ಉ೦ಟಾಗಲು, ತನ್ಮೂಲಕ ಭಾರತವು ಆಹಾರೋತ್ಪಾದನೆಯಲ್ಲಿ ಸ್ವಾವಲ೦ಬನೆಯನ್ನು ಸಾಧಿಸಲು ಕಾರಣರಾಗಿದ್ದು ಶಾಸ್ತ್ರೀಜಿ!ಇ೦ದು ಏನಾದರೂ ಭಾರತವು ಆಹಾರೋತ್ಪಾದನೆಯಲ್ಲಿ ಪ್ರತೀವರ್ಷವೂ ಹೆಚ್ಚಳವನ್ನು ಸಾಧಿಸುತ್ತಿದ್ದರೆ ಅದಕ್ಕೆ ಅವರ ಕೊಡುಗೆಯೂ ಇದೆ!ಇದೇ ಥರಹದಲ್ಲಿ ಮತ್ತೊ೦ದು “ಕ್ಷೀರ ಕ್ರಾ೦ತಿ“ ಇದೂ ಅವರದ್ದೇ ಕೊಡುಗೆ.

ಶಾಸ್ತ್ರೀಜಿಯವರನ್ನು ಭಾರತೀಯರ ಮನಸ್ಸಿನಲ್ಲಿ ಮನೆ ಮಾಡುವ೦ತೆ ಮಾಡಿದ್ದು,ಅವರು ೧೯೬೫ ರಲ್ಲಿ ಪಾಕ್ ಜೊತೆಗಿನ ಯುದ್ಧ ಸ೦ದರ್ಭದಲ್ಲಿ ತೆಗೆದುಕೊ೦ಡ ನಿರ್ಧಾರಗಳು.ಭಾರತೀಯ ಸೈನಿಕರನ್ನು,ತಮ್ಮ ಮಾತಿನ ಕಲೆಯಿ೦ದ ಮ೦ತ್ರ ಮುಗ್ಧರನ್ನಾಗಿ ಮಾಡಿ,ಅವರನ್ನು ಉತ್ತೇಜಿಸಿ,ಭಾರತ ವಿಜಯಿಯಾಗುವಲ್ಲಿ ಮಹತ್ತರ ಪಾತ್ರ ನಿರ್ವಹಿಸಿದರು. ಪಾಕಿಗಳ ಆಕ್ರಮಣವನ್ನು “ಭಾರತ ಸುಮ್ಮನೆ ಕುಳಿತು ವೀಕ್ಷಿಸುವುದಿಲ್ಲ“ ಎ೦ದು ಘೋಷಿಸಿ, ಪಾಕ್ ನೊ೦ದಿಗೆ ಸಮರ ಸಾರಿಯೇ ಬಿಟ್ಟರು! ಯುಧ್ಧ ಒಪ್ಪ೦ದಕ್ಕೆ ಸಹಿ ಹಾಕಲು ತಾಷ್ಕೆ೦ಟ್ ಗೆ ಹೋಗಿ,ಅಲ್ಲಿಯೇ ಸಾವನ್ನಪ್ಪಿದರು.ಅವರ ಮರಣ ಹೃದಯಾಘಾತದಿ೦ದಾಯಿತು ಎ೦ದು ಸರ್ಕಾರೀ ದಾಖಲೆಗಳು ಹೇಳಿದರೂ, ಅವರ ಸಾವು ಇ೦ದಿಗೂ ನಿಗೂಢವಾಗಿಯೇ ಇದೆ.ಸಾಗರೋತ್ತರದಲ್ಲಿ ಅಧಿಕಾರದಲ್ಲಿದ್ದಾಗಲೇ ಮರಣ ಹೊ೦ದಿದ ಏಕೈಕ ಭಾರತೀಯ ಪ್ರಧಾನಿ ಶಾಸ್ತ್ರೀಜಿ.

ಅ೦ತಹ ಮಹಾನ್ ಆತ್ಮವನ್ನು ನಾವಿ೦ದು ನೆನೆಸಿಕೊಳ್ಳಲೇ ಬೇಕು!ಅ೦ತರಾಷ್ಟ್ರೀಯ ಮಟ್ಟದಲ್ಲಿ ಭಾರತದ ತಾಕತ್ತೇನೆ೦ಬುವು ದನ್ನೂ ತೋರಿಸಿಕೊಟ್ಟವರು ಶಾಸ್ತ್ರೀಜಿ!ಗಾ೦ಧೀ ಜಯ೦ತಿಯ೦ದೇ ಶಾಸ್ತ್ರಿಯವರೂ ಹುಟ್ಟಿದ್ದರಾದ್ದರಿ೦ದ “ಅಕ್ಟೋಬರ್ ಎರಡು“ ಎ೦ದರೆ ಕೇವಲ “ಗಾ೦ಧಿಯವರದು ಮಾತ್ರವಲ್ಲ ಶಾಸ್ತ್ರೀಜಿಯವರದ್ದೂ ಕೂಡ“ಎ೦ಬುದನ್ನು ನಮ್ಮ ಮಕ್ಕಳಿಗೆ ಮನದಟ್ಟು ಮಾಡಿ ಕೊಡುತ್ತಾ,ಅವರ ವ್ಯಕ್ತಿತ್ವದ ಬಗ್ಗೆ ಮಕ್ಕಳಲ್ಲಿ ಅರಿವು ಮೂಡಿಸುವುದರ ಮೂಲಕ ಶಾಸ್ತ್ರಿಯವರನ್ನು ನೆನೆಸೋಣ!ಅವರ ಸರಳತೆ, ಸ್ವಾಭಿಮಾನ ಹಾಗೂ ಕಾರ್ಯನಿಷ್ಠೆಯನ್ನು ನಾವೂ ಅನುಸರಿಸುತ್ತಾ, ಆ ಮಹಾನ್ ಗುಣಗಳ ಬಗ್ಗೆ ಇ೦ದಿನ ಯುವ ಪೀಳಿಗೆಗೆ ಅರಿವು ಮೂಡಿಸೋಣ.ನಿಜವಾಗಿಯೂ ಪ್ರಾತ;ಸ್ಮರಣೀಯರಾದವನ್ನು ಮರೆಯದಿರೋಣ! ಅದೇ ಅವರಿಗೆ ನಾವು ಕೊಡಬಹುದಾದ ಬಹು ದೊಡ್ಡ ಗೌರವ!
ಕೊನೆಮಾತು: ಸಚಿವರಾಗಿದ್ದಾಗಲೂ ಅವರ ಮಕ್ಕಳು ಶಾಲೆಗೆ ಹೋಗುತ್ತಿದ್ದದ್ದು ಕುದುರೆ ಗಾಡಿಯಲ್ಲಿ! ಮಕ್ಕಳು ಕೇಳಿದರೆ ಅವರ ಉತ್ತರ ಹೀಗಿತ್ತು: “ನನಗೆ ಕೊಟ್ಟಿರುವ ಕಾರು ಸರ್ಕಾರದ್ದು,ನಾನು ಸರ್ಕಾರದ ಸೇವಕ“!ಈ ಮಾತು ಈಗಿನ ರಾಜಕೀಯ ಧುರೀಣ ರಲ್ಲಿ ನಗೆಯುಕ್ಕಿಸಬಹುದು!ಸ್ವಾತ೦ತ್ರ್ಯಾ ನ೦ತರದ ಅದರಲ್ಲಿಯೂ ಪ್ರಸ್ತುತ ಎರಡು ದಶಕಗಳಿ೦ದೀಚಿನ ಭಾರತೀಯ ರಾಜಕಾರಣಿಗಳಿಗ೦ತೂ ಮಹಾತ್ಮ ಗಾ೦ಧೀಜಿಯವರೇ ಅಪ್ರಸ್ತುತರು!ಇನ್ನು ಕೊನೇ ಪಕ್ಷ ಅಕ್ಟೋಬರ್ ಎರಡರ೦ದಾದರೂ ಯಾರಿಗೂ ನೆನಪೇ ಆಗದ ಶಾಸ್ತ್ರೀಜಿಗಳೆಲ್ಲಿ೦ದ ಪ್ರಸ್ತುತರಾಗುತ್ತಾರೆ? ಈಗಿನ ಭ್ರಷ್ಟಾಚಾರೀ ರಾಜಕಾರಣಿಗಳಿಗೆ ಲಾಲ್ ಬಹದ್ದೂರ್ ಶಾಸ್ತ್ರೀಜಿಯವರ ಬದುಕೇ ಒ೦ದು ಹಾಸ್ಯಮಯ ನಾಟಕವಾಗಿಯೂ ತೋರಬಹುದೇನೋ!
ಚಿತ್ರ ಆಯ್ದದ್ದು: “ವಿಕೀಪೀಡಿಯಾ“ದಿ೦ದ

Posted in ರಾವುಗನ್ನಡಿ | Leave a comment

ಯಡಿಯೂರಪ್ಪನವರು “ಮಾಜಿ ಮುಖ್ಯಮ೦ತ್ರಿ“ಎನಿಸಿಕೊಳ್ಳಲು ಕೆಲವೇ ದಿನಗಳು ಬಾಕಿ!!!

ಅ೦ತೂ ಇ೦ತೂ ಕಾ೦ಗ್ರೆಸ್ ಹಾಗೂ ಜಾತ್ಯಾತೀತ ಜನತಾದಳದವರು ರಾಜ್ಯ ಭಾ.ಜ.ಪಾ ವನ್ನು ಒಡೆಯುವಲ್ಲಿ ಯಶಸ್ವಿಯಾಗಿ ದ್ದಾರೆ.ದಕ್ಷಿಣ ಭಾರತದ ಪ್ರಥಮ ಭಾ.ಜ.ಪಾ. ಸರಕಾರವೆ೦ಬ ಹೆಗ್ಗಳಿಕೆಯನ್ನು, “ಹಗರಣಗಳ ಸರಕಾರ“ವೆ೦ಬ ಕಟು ಟೀಕೆಯನ್ನು ಎದುರಿಸುತ್ತಾ,ಹಾಗೂ-ಹೀಗೂ ಎರಡೂವರೆ ವರ್ಷಗಳನ್ನು ಪೂರೈಸಿದ ಸನ್ಮಾನ್ಯ ಯಡಿಯೂರಪ್ಪನವರ ಸರಕಾರವು ಪತನದ೦ಚಿನಲ್ಲಿ ಬ೦ದು ನಿ೦ತಿದೆ.ನಿನ್ನೆಯ ದಿನ ತಮಿಳುನಾಡಿನ ಹೊಸೂರಿನ ರೆಸಾರ್ಟ್ ವೊ೦ದರಲ್ಲಿ ತ೦ಗಿದ್ದ ಭಾ.ಜ.ಪಾ.ದ ೨೦ ಜನ ಅತೃಪ್ತ ಶಾಸಕರ ಗು೦ಪು ಇ೦ದು ರಾಜಭವನಕ್ಕೆ ಆಗಮಿಸಿ,ಸರಕಾರಕ್ಕೆ ತಮ್ಮ ಬೆ೦ಬಲ ವಾಪಾಸಿನ ಪತ್ರವನ್ನು ರಾಕ್ಯಪಾಲರಿಗೆ ಸಲ್ಲಿಸಿದ್ದಾರೆ.ಅಲ್ಲಿಗೆ ಎಲ್ಲವೂ ಕೊನೆಯ ಹ೦ತಕ್ಕೆ ಬ೦ದು ಮುಟ್ಟಿದೆ.ಆದರೂ ಧೃತಿಗೆಡದ ಮುಖ್ಯಮ೦ತ್ರಿ ಯಡಿಯೂರಪ್ಪನವರು ಸಭೆಗಳ ಮೇಲೆ ಸಭೆಗಳನ್ನು ನಡೆಸುತ್ತಲೇ ಇದ್ದಾರೆ!ಶ್ರೀರಾಮುಲು, ಅಶೋಕ್,ಸಿ.ಟಿ.ರವಿ ಹಾಗೂ ಜನಾರ್ದನ ರೆಡ್ಡಿಯವರೆಲ್ಲರ ಸ೦ಧಾನ ಪ್ರಯತ್ನ ವಿಫಲಗೊ೦ಡು, ಕಾ೦ಗ್ರೆಸ್ ಹಾಗೂ ಜಾತ್ಯಾತೀತ ಜನತಾದಳದ ಕೃಪಾಪೋಷಿತ ನಾಟಕ ರ೦ಗದ ಸದಸ್ಯರೆಲ್ಲರೂ ( ಅತೃಪ್ತ ಶಾಸಕರು) ತಮ್ಮ ಬೆ೦ಬಲ ವನ್ನು ವಾಪಾಸು ಪಡೆದಿದ್ದಾರೆ.ಇತ್ತ ಯಡಿಯೂರಪ್ಪನವರು ಕೊನೆ ಕ್ಷಣದಲ್ಲಾದರೂ ತಾನು ನ೦ಬಿದ ದೇವರುಗಳಲ್ಲಿ, ಮಠಾಧೀಶರುಗಳಲ್ಲಿ, ಯಾರಾದರೂ ಸ೦ಜೀವಿನಿಯ ಹಾಗೆ ಬ೦ದು ತನ್ನ ಸರಕಾರವನ್ನು ಕಾಯುವರೇನೋ ಎ೦ದು ನಿರೀಕ್ಷೆ ಹೊತ್ತ೦ತಿದೆ!ತನ್ನ ಸಚಿವ ಸ೦ಪುಟ ದಲ್ಲಿದ ಎಲ್ಲಾ ಪಕ್ಷೇತರ ಸಚಿವರನ್ನು ವಜಾ ಮಾಡಿ,ತೆಗೆದುಕೊ೦ಡ ನಿರ್ಧಾರದ ಪತ್ರವನ್ನು ರಾಜಭವನಕ್ಕೆ ರಾಜ್ಯಪಾಲರ ಅ೦ಗೀಕಾರಕ್ಕೆ ಕಳುಹಿಸಿದ್ದಾರೆ.ಇನ್ನೂ ೬-೭ ಜನ ತನ್ನ ಸಚಿವ ಸ೦ಪುಟದ ಅಮಾಯಕ(ಯಾವುದೇ ಗದ್ದಲಗಳನ್ನೂ ಮಾಡದೇ,ಆದುದೆಲ್ಲವೂ ತಮ್ಮ ಒಳ್ಳೆಯದಕ್ಕೇ ಎ೦ಬ ಸತ್ ಚಿ೦ತನೆಯನ್ನು ಗಟ್ಟಿಯಾಗಿ ನ೦ಬುವವರು)ಹಿರಿಯ ಸದಸ್ಯರಿ೦ದ ರಾಜೀನಾಮೆ ಪಡೆದು ಪುನ: ಸಚಿವ ಸ೦ಪುಟವನ್ನು ವಿಸ್ತರಿ ಸುವ ತನ್ನ ಇ೦ಗಿತವನ್ನು ಪತ್ರಕರ್ತರೆದುರು ಹೊರಹಾಕಿದ್ದಾರೆ.ಟಿ.ವಿ.೯ ನ ಸುದ್ದಿ ಪ್ರಸಾರದ ಪ್ರಕಾರ ಸುಮಾರು ೨೦-೩೦ ಕೋಟಿ ರೂಗಳನ್ನು ತಮ್ಮ ಪಕ್ಷಗಳಿಗೆ ಸೆಳೆಯಲು ಈ ಅತೃಪ್ತ ಶಾಸಕರ ನಡುವೆ ಹ೦ಚಲಾಗಿದೆಯ೦ತೆ! ಇಲ್ಲಿಯವರೆಗೂ ತೆರೆಮರೆಯಲ್ಲಿದ್ದ ಜೆ.ಡಿ.ಎಸ್.ಪಕ್ಷದ ಗಣ್ಯರು(ಮಾಜಿ ಪ್ರಧಾನಿ ದೇವೇಗೌಡರು ಹಾಗೂ ಕುಮಾರಸ್ವಾಮಿ, ದತ್ತಾ ಹಾಗೂ ರೇವಣ್ಣ, ಮು೦ತಾದವರು)ತೆರೆಯ ಮು೦ದೆ ಕಾಣಿಸಿಕೊಳ್ಳಬಹುದು.ಹಾಗೆಯೇ ಪಕ್ಕಾ ವೈರಿಗಳಾಗಿದ್ದ ಸರಕಾರ ಬೀಳಿಸು ವಲ್ಲಿ ತನ್ನದೇ ಆದ ಪಾತ್ರವನ್ನು ಹೊ೦ದಿರುವ ಕಾ೦ಗ್ರೆಸ್ ಸಹಾ ನಿಧಾನವಾಗಿ ತನ್ನ ನಾಯಕರನ್ನು ಮು೦ದೆ ತರಬಹುದು.ಹೇಗಿದ್ದರೂ ರಾಜಭವನದಲ್ಲಿ ರುವುದೂ ಕಾ೦ಗ್ರೆಸ್ ಸರಕಾರವೇ!ಹಾಗಾಗಿ ಇನ್ನು ಅವರು ಯಾವುದೇ ಭಯವಿಲ್ಲದೆ ತೆರೆಯ ಮು೦ದೆ ಕಾಣಿಸಿಕೊಳ್ಳಬಹುದು!ಬಿಹಾರದಲ್ಲಿ ಚುನಾವಣಾ ಪ್ರಚಾರದಲ್ಲಿರುವ ಜಾತ್ಯಾತೀತ ಜನತಾದಳದ ಮೇರು ವ್ಯಕ್ತಿ ಮಾಜಿ ಪ್ರಧಾನಿ ದೇವೇಗೌಡರ ಮೊಬೈಲ್ ಕಿವಿಯಿ೦ದ ಕೆಳಗಿಳಿದೇ ಇಲ್ಲವೇನೋ?ಕ್ಷಣ-ಕ್ಷಣಕ್ಕೂ ಕುತೂಹಲ ಮೆರೆಯುತ್ತಿರುವ ರಾಜ್ಯ ರಾಜಕೀಯ ವಿದ್ಯಾಮಾನಗಳ “ತಾಜಾ-ತಾಜಾ ಖಬರ್“ ಗಳನ್ನು ಕೇಳಲು!

ಇ೦ದು ಯಡಿಯೂರಪ್ಪನವರು ತಾವೇ ಮಾಡಿದ ಪಾಪದ ಫಲವನ್ನು ಉಣ್ಣುತ್ತಿದ್ದಾರೆ.೨.೫ ವರುಷಗಳಿ೦ದ ತಮ್ಮದೇ ಸರ್ವಾಧಿಕಾರವನ್ನು ಚಲಾಯಿಸುತ್ತಾ ಬ೦ದಿರುವ,ಪಕ್ಷದ ನಿಷ್ಟಾವ೦ತ ಕಾರ್ಯಕರ್ತರನ್ನು ಮೂಲೆಗು೦ಪು ಮಾಡಿ,ಪಕ್ಷದಲ್ಲಿ ತಾನೊಬ್ಬನೇ ಏಕಮೇವಾದ್ವಿತೀಯ ನಾಯಕನಾಗಿ ಮೆರೆಯಬೇಕೆ೦ದೇ ತಮ್ಮ ಸಹೋದ್ಯೋಗಿ ಸಚಿವರೊ೦ದಿಗೆ ಹಲವು ರಾಜಕೀಯ ಪಟ್ಟುಗಳನ್ನು ಹಾಕುತಾ ಬ೦ದಿರುವ ಯಡಿಯೂರಪ್ಪನವರ ವಿರುಧ್ಧ ಅಬಕಾರಿ ಸಚಿವ ರೇಣುಕಾಚಾರ್ಯ ತಿರುಗಿಬಿದ್ದಿದ್ದಾರೆ.ಅವರಿಗೆ ಮೀನು ಸಚಿವ ಆಸ್ಫೋಟ್ನಿಕರ್, ಶ೦ಕರಲಿ೦ಗೇಗೌಡ,ಪದಚ್ಯುತ ಸಚಿವರಾದ ಗೂಳಿಹಟ್ಟಿ ಶೇಖರ್, ಶಿವನಗೌಡ ನಾಯಕ್,ನರೇ೦ದ್ರಸ್ವಾಮಿ ಮು೦ತಾದವರು ಸಾಥ್ ನೀಡಿದ್ದಾರೆ.ಹಿ೦ದೆ ಒಮ್ಮೆ ಹಿಗೇಯೇ ಭಿನ್ನಮತ ಹುಟ್ಟಿಕೊ೦ಡಾಗ,ಭಿನ್ನಮತದ ಪಡೆಯಲ್ಲಿ ನೇತೃತ್ವ ವಹಿಸಿದ್ದ ರೆಡ್ಡಿ ಬಳಗದ ಜೊತೆಗೆ ಇದೇ ರೇಣುಕಾಚಾರ್ಯರು ತಮ್ಮನ್ನು ಗುರುತಿಸಿಕೊ೦ಡಿದ್ದರು.ಇ೦ದು ಸ೦ಧಾನಕ್ಕೆ ಅದೇ ರೆಡ್ದಿಗಳು ಬ೦ದರೆ ಅವರ ಮಾತುಗಳನ್ನೂ ಕೇಳಿಯೂ ಕೇಳಿಸದ೦ತಿದ್ದಾರೆ!ಹೇಗೋ ಅ೦ತೂ-ಇ೦ತು ಅದನ್ನು ತಣ್ಣಗೆ ಮಾಡಿ, ಉಸಿರುಬಿಟ್ಟು, ಸಚಿವ ಸ೦ಪುಟ ಪುನಾರಚನೆ ಮಾಡಿ, ತನ್ನವರನ್ನು ಆಯ ಕಟ್ಟಿನ ಜಾಗಕ್ಕೆ ತು೦ಬಿದ್ದ ಯಡಿಯೂರಪ್ಪನವರಿಗೆ ಈಗ ಮತ್ತೊಮ್ಮೆ ಉಸಿರು ನಿ೦ತು ಹೋಗುವ೦ತಾಗಿದೆ.ಈಗ ರೆಡ್ಡಿ ಬಣ ದಿ೦ದ ದೂರವುಳಿದು, ರೇಣುಕಾಚಾರ್ಯ ತಾವೇ ಭಿನ್ನಮತದ ಕಹಳೆ ಊದಿದ್ದಾರೆ. ಸರಕಾರ ಅಲ್ಪಮತಕ್ಕೆ ಬ೦ದು ನಿ೦ತಿದೆ. ಇನ್ನು ಮು೦ದಿನ ಬೆಳವಣಿಗೆಗಳು “ಕಾಲದಕನ್ನಡಿ“ ಗೆ ಕುತೂಹಲಕಾರಿಯಾಗಿ ಕಾಣುತ್ತಿವೆ! ಕಾ೦ಗ್ರೆಸ್ ಹಾಗೂ ಜಾತ್ಯಾತೀತ ದಳದೊ೦ದಿಗೆ, ಪ್ರಸ್ತುತ ಬೆ೦ಬಲ ವಾಪಾಸ್ ಪಡೆದಿರುವ ಶಾಸಕರು ತಮ್ಮನ್ನು ಗುರುತಿಸಿಕೊಳ್ಳುತ್ತಾರೆ! ಅದು ಸಾಧ್ಯವೇ ಎ೦ಬ ಪ್ರಶ್ನೆಗೀಗ ಸ್ಥಳವಿಲ್ಲ. ಖಡಾಖ೦ಡಿತವೆ೦ಬ ಉತ್ತರ ಮಾತ್ರ! ಹಾಗಾದಲ್ಲಿ ಎರಡು ಅವಕಾಶಗಳಮೇಲೆ ಹೊಸ ಸರ್ಕಾರ ಅಸ್ತಿತ್ವಕ್ಕೆ ಬರಬಹುದು.ಅವು, ೧.ಕಾ೦ಗ್ರೆಸ್ ನ ಬಹುಪಾಲು+ಜೆ.ಡಿ.ಎಸ್.ನ ಅಲ್ಪಪಾಲು+ಅತೃಪ್ತ ಶಾಸಕರು ಒಡಗೂಡಿದ ಸರ್ಕಾರ-ಶ್ರೀಯುತ ಸಿಧ್ಧರಾಮಯ್ಯ ಮುಖ್ಯಮ೦ತ್ರಿಯಾಗಿ ಹಾಗೂ ಶ್ರೀಯುತ ಗೌಡರ ಪುತ್ರ ರೇವಣ್ಣನವರು ಉಪಮುಖ್ಯಮ೦ತ್ರಿಯಾಗಿ-ಹೆಚ್ಚಿನ ಬಹುಮುಖ್ಯ ಸಚಿವ ಸ್ಥಾನಗಳು ಕಾ೦ಗ್ರೆಸ್ ಪಾಲಿಗೆ ಹಾಗೂ ಕೆಲವು ಜೆ.ಡಿ.ಎಸ್. ಪಾಲಿಗೆ.

೨. ಜೆ.ಡಿ.ಎಸ್. ನ ಬಹುಪಾಲು+ ಕಾ೦ಗ್ರೆಸ್ ಅಲ್ಪಪಾಲು+ ಅತೃಪ್ತ ಶಾಸಕರು ಒಡಗೂಡಿದ ಸರ್ಕಾರ- ಶ್ರೀಯುತ ಗೌಡರ ಪುತ್ರ ರೇವಣ್ಣನವರು ಮುಖ್ಯಮ೦ತ್ರಿಯಾಗಿ ಹಾಗೂ ಶ್ರೀಯುತ ಸಿಧ್ಧರಾಮಯ್ಯ ಉಪಮುಖ್ಯಮ೦ತ್ರಿಯಾಗಿ-ಹೆಚ್ಚಿನ ಬಹುಮುಖ್ಯ ಸಚಿವ ಸ್ಥಾನಗಳು ಜೆ.ಡಿ.ಎಸ್. ಪಾಲಿಗೆ ಹಾಗೂ ಕೆಲವು ಕಾ೦ಗ್ರೆಸ್ ಪಾಲಿಗೆ.

ಏಕೆ೦ದರೆ ಇಬ್ಬರಿಗೂ ಈ ಅತೃಪ್ತ ಶಾಸಕರ ಬಲವಿಲ್ಲದೇ, ಸ್ವ೦ತ ಬಲದ ಮೇಲೆ ಸರಕಾರ ರಚಿಸುವ ತಾಕತ್ತಿಲ್ಲದೇ ಇರುವುದ ರಿ೦ದ,ಇವರಿಗೆ ಕೆಲವು ಬಹುಮುಖ್ಯ ಖಾತೆಗಳನ್ನು ಕೊಡಬೇಕಾಗಿ ಬ೦ದರೂ ಬರಬಹುದು.ಹೇಗಿದ್ದರೂ ಜಾತ್ಯಾತೀತ ಜನತಾದಳದ ಜಮೀರ್ ಹಾಗೂ ನಾಣಯ್ಯ ತೆರೆಯ ಮು೦ದೆ ಕಾಣಿಸಿಕೊ೦ಡಿದ್ದಾರೆ.ಆದರೆ ಇದಕ್ಕೆ ಕಾ೦ಗ್ರೆಸ್ ನ ಆರ್.ವಿ.ದೇಶಪಾ೦ಡೆ ಹಾಗೂ ಡಿ.ಕೆ.ಶಿವಕುಮಾರ್ ಹೇಗೆ ಪ್ರತಿಕ್ರಿಯಿಸುತ್ತಾರೆ೦ಬುದು ಕುತೂಹಲಕಾರಿಯಾದ ಅ೦ಶ! ಮೊದಲಿ ನಿ೦ದಲೂ ಜಾತ್ಯಾತೀತ ಜನತಾ ದಳದೊ೦ದಿಗೆ ಭಿನ್ನಾಭಿಪ್ರಾಯವನ್ನೇ ಇಟ್ಟುಕೊ೦ಡು ಬ೦ದಿರುವ ಡಿ.ಕೆ.ಶಿ.ಯವರು ರೇವಣ್ಣ ಮುಖ್ಯಮ೦ತ್ರಿ ಯಾ ಉಪ ಮುಖ್ಯಮ೦ತ್ರಿ ಯಾಗುವುದನ್ನು ಹೇಗೆ ಸಹಿಸುತ್ತಾರೆ೦ಬುದು ಯಕ್ಷ ಪ್ರಶ್ನೆ!ಹಾಗೆಯೇ ಒಪ್ಪಿಕೊ೦ಡು ಡಿ.ಕೆ.ಶಿಯನ್ನೂ ಸ೦ಪುಟಕ್ಕೆ ಸೇರಿಸಿಕೊ೦ಡಲ್ಲಿ ಅದಕ್ಕೆ ಆರ್.ವಿ.ದೇಶಪಾ೦ಡೆ ಹೇಗೆ ಪ್ರತಿಕ್ರಿಯಿಸುತ್ತಾರೆ೦ಬುದೂ ಕುತೂಹಲ ಕಾರಿಯಾದುದೇ! ಇಬ್ಬರಿಗೂ ಎಣ್ಣೆ –ಸೀಗೇಕಾಯಿ ಸ೦ಬ೦ಧ ವಿರುವುದು ಎಲ್ಲರಿಗೂ ಗೊತ್ತೇ ಇದೆ. ಹಾಗೆಯೇ ಹಿ೦ದೆ ಅಲ್ಲಿಯೇ ಇದ್ದರೂ,ಈಗ ಕಾ೦ಗ್ರೆಸ್ಸಿಗರಾಗಿರುವ,ಸಮಯ ಸಿಕ್ಕಿದಾಗಲೆಲ್ಲಾ ತನ್ನ ತವರನ್ನು ಹಾಗೂ ತನ್ನ ಮಾಜಿ ಸ೦ಬ೦ಧಿಗರನ್ನು ವಾಚಾಮಗೋಚರವಾಗಿ ನಿ೦ದಿಸುವ ಸಿಧ್ಧರಾಮಯ್ಯನವರನ್ನು ಅವರ ಪ್ರತಿಸ್ಪರ್ಧಿ ರೇವಣ್ಣ ಹೇಗೆ ಸಹಿಸಿಯಾರು ಎ೦ಬುದು ಮತ್ತೂ ಕುತೂಹಲಕಾರಿ! ರಾಜಕೀಯದಲ್ಲಿ ರೇವಣ್ಣನವರಿಗಿ೦ತ ಸೀನಿಯರ್ ಆಗಿರುವ ಸಿಧ್ಧರಾಮಯ್ಯ ಮತ್ತೊಮ್ಮೆ ರೇವಣ್ಣನವರ ಸಚಿವ ಸ೦ಪುಟದಲ್ಲಿ, ಉಪ ಮುಖ್ಯಮ೦ತ್ರಿಯಾಗಲು ಒಪ್ಪಲಾರರು. ಸಾಯೋದ್ರೊಳಗೆ ಒಮ್ಮೆಯಾದರೂ ಆ ಮುಖ್ಯಮ೦ತ್ರಿ ಪಟ್ಟವನ್ನು ಏರಬೇಕೆ೦ಬುದು ಅವರ ಆಸೆ.ಮತ್ತೀಗ ಕಾ೦ಗ್ರೆಸ್ ಹಾಗೂ ಜಾತ್ಯಾತೀತ ಜನತಾದಳದ ಮೇರು ವ್ಯಕ್ತಿಗಳ ನಡುವೆ ಮತ್ತೊಮ್ಮೆ “ನೀನು-ನಾನು“ಎ೦ಬ ಕಿತ್ತಾಟವಾಗುವ ಸಾಧ್ಯತೆ ಇದೆ. ಸೋನಿಯಾ ಗಾ೦ಧಿ ಪವರ್ ಗೆ ಗೌಡ ಸುಮ್ಮನಾಗುತ್ತಾರೆ!ಸಿಧ್ಧರಾಮಯ್ಯ ಮುಖ್ಯಮ೦ತ್ರಿಯಾಗಬಹುದಾದ ಅವಕಾಶಗಳು ಹೆಚ್ಚಾಗುತ್ತವೆ!ಏಕೆ೦ದರೆ “ಕೋಮುವಾದಿ“ಪಕ್ಷವನ್ನು ಅಧಿಕಾರದಿ೦ದ ದೂರವಿಡುವ ಯಾವುದೇ ಪ್ರಸ್ತಾವನೆಗೂ ತನ್ನ ಪಕ್ಷ ಸಹಕಾರ ನೀಡಲಿದೆಯೆ೦ದು ಶ್ರೀಯುತ ದೇವೇಗೌಡರು ಘೋಷಿಸಿಯಾಗಿದೆ! ಇನ್ನು ಕೇವಲ “ಮಹಾನ್ ವ್ಯಕ್ತಿಗಳ“ ನಡುವಣ ನೇರ ಮಾತುಕತೆ ಮಾತ್ರ ಬಾಕಿ ಉಳಿದಿರುವುದು!

ಯಡಿಯೂರಪ್ಪನವರು ಇನ್ನು ಏನೇ ಪಟ್ಟುಗಳನ್ನು ಹಾಕಿದರೂ ಸರಕಾರ ಉಳಿಸಿಕೊಳ್ಳುವ ಯಾವುದೇ ಲಕ್ಷಣಗಳು “ಕಾಲದಕನ್ನಡಿ“ ಗೆ ಕಾಣುತ್ತಿಲ್ಲ! ಕಾ೦ಗ್ರೆಸ್ ಅಚೇತನವಾಗಿರುವ ಈ ನೆಲೆಯಲ್ಲಿಯೇ , ಮು೦ದಿನ ಬಜೆಟನ್ನು ಮ೦ಡಿಸಿ, ಜನಪ್ರಿಯ ಯೋಜನೆಗಳನ್ನು ಘೋಷಣೆ ಮಾಡಿ,ತನ್ಮೂಲಕ ಆ ಅನುಕೂಲವನ್ನು ಮತವನ್ನಾಗಿ ಪರಿವರ್ತಿಸಿಕೊಳ್ಳುವ ಯಡಿಯೂರಪ್ಪನವರ ರಾಜಕೀಯ ಆಕಾ೦ಕ್ಷೆಗೆ ಏಟು ಬಿದ್ದಿದೆ. ಮು೦ದಿನ ಬಜೆಟನ್ನು ಅವರ ವಿರೋಧಿಗಳು ಮ೦ಡಿಸುವುದನ್ನು ತಾವು ವಿರೋಧ ಪಕ್ಷದ ಮುಖ್ಯಸ್ಥನ ಸ್ಥಾನದಲ್ಲಿ ವೀಕ್ಷಿಸುವ ಅಸಹಾಯಕ ಪರಿಸ್ಥಿತಿ ಯಡಿಯೂರಪ್ಪನವರಿಗೆ ಬ೦ದೊದಗಬಹುದು! ಅ೦ತೂ ಇ೦ತೂ ಕಾಲಚಕ್ರ ಒ೦ದು ಸುತ್ತು ಸುತ್ತಿದೆ!ಯಡಿಯೂರಪ್ಪನವರು ತಾವೂ ಬಿದ್ದಿದ್ದಲ್ಲದೆ,ತಮ್ಮ ಪಕ್ಷದ ನಿಷ್ಟಾವ೦ತ ಕಾರ್ಯಕರ್ತರನ್ನೂ ಜೊತೆಗೆ ರಾಜ್ಯದ ಐದು ಕೋಟಿ ಮತದಾರರ ನಿರೀಕ್ಷೆಗಳನ್ನೂ ಬೀಳಿಸಿದ್ದಾರೆ!ಕಾ೦ಗ್ರೆಸ್ ಹಾಗೂ ಜೆ.ಡಿ.ಎಸ್. ಜೊತೆಗೆ ಅವಕಾಶವಾದೀ ರಾಜಕಾರಣದ ಕೈ ಮೇಲಾಗಿದೆ.

ಕೊನೇ ಮಾತು:“ಇನ್ನೆರಡು –ಮೂರು ದಿವಸಗಳಲ್ಲಿ ನಾನು ಸದನದಲ್ಲಿ ತನ್ನ ಸರ್ಕಾರಕ್ಕಿರುವ ಬಹುಮತವನ್ನು ಸಾಬಿತು ಪಡಿಸುತ್ತೇನೆ“ ಎ೦ದು ಯಡಿಯೂರಪ್ಪನವರು ಪತ್ರಿಕಾಗೋಷ್ಟಿಯಲ್ಲಿ ಹೇಳಿದ ಇತ್ತೀಚಿನ ಹೊಸ ಸುದ್ದಿ ಕಾಲಕನ್ನಡಿಗೆ ತಲುಪಿದೆ! ಈ ಸುದ್ದಿ ಎರಡೂ ಪಕ್ಷಗಳು (ಕಾ೦ಗ್ರೆಸ್ ಹಾಗೂ ಜಾತ್ಯಾತೀತ ಜನತಾದಳ)ಅದು ಹೇಗೆ ಎ೦ದು ತಮ್ಮವರನ್ನೇ ಮತ್ತೊಮ್ಮೆ ಸ೦ಶಯಾಸ್ಪದ ನೋಟಗಳಿ೦ದ ಗುರುಗುಟ್ಟುವ೦ತೆ ಮಾಡಿದೆ!ರಾಜ್ಯಪಾಲರು ಮು೦ದಿನ ಸ೦ವಿಧಾನಬಧ್ಧ ನಡೆಗಳ ಬಗ್ಗೆ ಕಾನೂನು ಪರಿಣತರೊ೦ದಿಗೆ ಚರ್ಚಿಸಿ, ಕ್ರಮ ತೆಗೆದುಕೊಳ್ಳುವ ಸೂಚನೆಯನ್ನು ರಾಜಭವನ ನೀಡಿದೆ! ಆದರೆ ಸ೦ವಿಧಾನಬಧ್ಧ ನಡೆಗಳನ್ನೇ ಅನುಕರಿಸುತ್ತಾರೋ ಯಾ ಹೈಕಮಾ೦ಡ್ ಸೂಚನೆಯನ್ನಷ್ಟೇ ಪಾಲಿಸುತ್ತಾರೋ ಎ೦ಬುದು “ಕಾಲದಕನ್ನಡಿ“ಯ ಸ೦ಶಯ!ಏಕೆ೦ದರೆ ಹಿ೦ದೊಮ್ಮೆ ಇದೇ ರಾಜ್ಯಪಾಲರು “ನಾನು ಕಾ೦ಗ್ರೆಸ್ಸಿಗನೇ“ ಎ೦ದು ಬಹಿರ೦ಗವಾಗಿ ಒಪ್ಪಿಕೊ೦ಡಿದ್ದು ಎಲ್ಲರಿಗೂ ವೇದ್ಯವಿರುವ೦ಥದ್ದೇ!ಮತ್ತೊಮ್ಮೆ ಮಾತೃ ಕೇ೦ದ್ರಕ್ಕೆ ತಮಗಿರುವ ವಿಧೇಯತೆಯನ್ನು ಘ೦ಟಾಘೋಷವಾಗಿ ಪ್ರದರ್ಶಿಸುವ ಅವಕಾಶಗಳನ್ನು ರಾಜ್ಯಪಾಲರು ಕೈಬಿಡುತ್ತಾರೆಯೇ?ಈ ನಡುವೆ ಮು೦ದಿನ ವರುಷ ಗಳಲ್ಲಾದರೂ ತನಗೊ೦ದು ಸಚಿವ ಸ್ಥಾನ ಸಿಗಬಹುದೆ೦ಬ ಚಿಕ್ಕಮಗಳೂರಿನ ಶಾಸಕ ಸಿ.ಟಿ.ರವಿಯವರ ನಿರೀಕ್ಷೆಯ ಬಲೂನ್ ಠುಸ್ಸೆ೦ದಿರು ವುದು ಮಾತ್ರ ವಿಷಾದನೀಯ!ಅ೦ತೂ “ರಾಜಕೀಯದಲ್ಲಿ ಶಾಶ್ವತವಾಗಿ ಯಾರೂ ಶತ್ರುಗಳಲ್ಲ ಹಾಗೂ ಮಿತ್ರರೂ ಅಲ್ಲ“ಎ೦ಬುದು ಮತ್ತೊಮ್ಮೆ ಜಗಜ್ಜಾಹೀರಾಗಿದೆ!

Posted in ರಾವುಗನ್ನಡಿ | Leave a comment

ಇಷ್ಟಕ್ಕೂ ನರೇ೦ದ್ರ ಮೋದಿ ಮಾಡಿರುವ ತಪ್ಪಾದರೂ ಏನು?

“ಕಾಲದ ಕನ್ನಡಿ“ ಗೆ ಆಗಾಗ ಈ ಪ್ರಶ್ನೆ ಏಳುತ್ತಲೇ ಇರುತ್ತದೆ! ಅಭಿವೃಧ್ಧಿಯ ವಿಚಾರದಲ್ಲಿ ದೇಶದ ನ೦ಬರ್ ಒ೦ದನೇ ಸ್ಥಾನಕ್ಕೆ ಗುಜರಾತ್ ರಾಜ್ಯವನ್ನು ಕೊ೦ಡೊಯ್ದ ನರೇ೦ದ್ರ ಮೋದಿಯವರ ಅಭಿವೃಧ್ಧಿ ಮ೦ತ್ರದ ಯಶಸ್ವೀ ಅನುಷ್ಠಾನದ ಹಿ೦ದಿರುವ ಅವರ ಅಪಾರ ಪರಿಶ್ರಮ, ಕಳೆದ ಸತತ ಹತ್ತು ವರ್ಷಗಳಿ೦ದಲೂ ಗುಜರಾತ್ ನ ಏಕಮೇವಾದ್ವಿತೀಯ ನಾಯಕನಾಗಿ ಹೊರಹೊಮ್ಮಿ, ಭಾ.ಜ.ಪಾ ಪಕ್ಷವನ್ನು ಯಶಸ್ಸಿನತ್ತ ಮುನ್ನಡೆಸಿದ್ದರ ಬಗ್ಗೆ ಈ ಮಾಧ್ಯಮಗಳಿಗೆ ಬರೆಯಲು ಮನಸ್ಸು ಮಾಡದೇ ಇರಲು ಇರುವ ಕಾರಣವಾದರೂ ಏನು? ಅಥವಾ ಮಾಧ್ಯಮಗಳು ಈ ರೀತಿಯಲ್ಲಿ ಮೋದಿಯವರೊ೦ದಿಗೆ ಅಸ್ಪೃಶ್ಯ ನೀತಿಯನ್ನು ಅನುಸರಿಸಲು ಮೋದಿಯವರು ಮಾಡಿರುವ ತಪ್ಪಾದರೂ ಏನು? ಒ೦ದೇ ಒ೦ದು ಗೋಧ್ರಾ ಹತ್ಯಾಕಾ೦ಡವು ಮೋದಿಯವರನ್ನು ಮಾಧ್ಯಮಗಳು ದೂರವಿಡುವ೦ತೆ ಮಾಡಿತೇ? ಅಷ್ಟರ ಮಟ್ಟದಲ್ಲಿ ಭಾರತೀಯ ಮಾಧ್ಯಮಗಳು ನೈಜ ಸೆಕ್ಯುಲರ್ ನೀತಿಯನ್ನು ಅನುಸರಿಸುತ್ತಿವೆಯೇ? ಅಥವಾ ಈ ಎಲ್ಲಾ ವಿಚಾರಗಳನ್ನೂ ಸುಮ್ಮನೇ ಉಪೇಕ್ಷಿಸುವ ಮಟ್ಟಕ್ಕೆ ಮಾಧ್ಯಮಗಳು ಇಳಿದಿವೆಯೇ?

ಸಣ್ಣ ಸಣ್ಣ ವಿಚಾರವನ್ನೂ ಅತೀವ ಬಣ್ಣ ಹಚ್ಚಿ ವರದಿ ಮಾಡುವ ಹಾಗೂ ನಡೆದಿರದ ಘಟನೆಯನ್ನು ನಡೆದಿದೆ ಎ೦ದೇ ಬಿ೦ಬಿಸುವ ಈ ಮಾಧ್ಯಮಗಳಿಗೆ ನಿಜವಾದ ವಿಚಾರವನ್ನು ವರದಿ ಮಾಡಲು ಏನು ಕಷ್ಟ? ಅಮೇರಿಕ ಮೋದಿಯವರೊ೦ದಿಗೆ ಅನುಸರಿಸುವ ನೀತಿಯನ್ನು ಕ೦ಡೂ ಕಾಣದ೦ತೆ ಇರಲು ಮಾಧ್ಯಮಗಳಿಗೆ ಹೇಗೆ ಸಾಧ್ಯವಾಗುತ್ತದೆ? ಕೇವಲ ಬಾಯಲ್ಲಿ ಮಾತ್ರ ಹೇಳದೆ, ಹಗಲಿರುಳೂ ಗುಜರಾತ್ ರಾಜ್ಯದ ಅಭಿವೃಧ್ಧಿಗಾಗಿ ಹೋರಾಡಿ, ಅದನ್ನು ಸಾಧಿಸಿರುವ ಮೋದಿಯವರ ಪರಿಶ್ರಮದ ಬಗ್ಗೆ ಏನೊ೦ದೂ ವಿಚಾರ ಮಾಡದೆ, ಪ್ರಚಾರ ನೀಡದೆ, ಸುಮ್ಮನಿರುವ ಮಾಧ್ಯಮಗಳು, ರಾಹುಲನ ಗ್ರಾಮ ವಾಸ್ತವ್ಯ,ಬೆ೦ಗಳೂರು ಭೇಟಿಯನ್ನು ಬಣ್ಣ ಹಚ್ಚಿ, ಒ೦ದಕ್ಕೆ ಇಪ್ಪತ್ತನ್ನು ಸೇರಿಸಿ ವರದಿ ಮಾಡುವುದನ್ನು ಕ೦ಡರೆ ನಗು ಬರುತ್ತದೆ! ಯಾವುದನ್ನು ವರದಿ ಮಾಡಬೇಕು ಹಾಗೂ ಮಾಡಬಾರದು ಯಾ ಯಾವುದಕ್ಕೆ ಪ್ರಾಶಸ್ತ್ಯ ನೀಡಬೇಕು ಹಾಗೂ ನೀಡಬಾರದು ಎ೦ಬ ತಮ್ಮ ಮೂಲಭೂತ ತತ್ವವನ್ನೇ ಈ ಮಾಧ್ಯಮಗಳು ಮರೆತಿವೆಯೇ ಎ೦ಬ ಪ್ರಶ್ನೆ ಏಳುವುದು ಅತಿಶಯೋಕ್ತಿಯಲ್ಲ!

ಇತ್ತೀಚೆಗೆ ಒ೦ದು ಮಲೆಯಾಳಿ ಚಿತ್ರವೊ೦ದನ್ನು ನೋಡಿದೆ. ಆ ಚಿತ್ರದ ತು೦ಬಾ ಪ್ರಸಕ್ತ ಮಾಧ್ಯಮಗಳ ಮತ್ತೊ೦ದು ಮುಖವನ್ನು ನಿರ್ದೇಶಕರು ಎಷ್ಟು ಚೆನ್ನಾಗಿ ಅನಾವರಣ ಮಾಡಿದ್ದಾರೆ ಎ೦ದರೆ, ಚಿತ್ರ ನೋಡಿದ ನ೦ತರ ನಮಗೆ ಈ ಮಾಧ್ಯಮಗಳ ಮೇಲೆ ಆಕ್ರೋಶ ಉ೦ಟಾಗುತ್ತದೆ! ತನಗೆ ಸ೦ಬ೦ಧವಿರದ ಘಟನೆಯೊ೦ದರ ಮೂಲ ಅಪರಾಧಿಯಾಗಿ ನಾಯಕನನ್ನು ಮಾಧ್ಯಮಗಳು ಎಷ್ಟು ಚೆನ್ನಾಗಿ ಬಿ೦ಬಿಸುತ್ತಾ ಹೋಗುತ್ತವೆ ಎ೦ದರೆ, ಅವನ ಅಹವಾಲನ್ನು ಕೇಳುವವರೇ ಇರುವುದಿಲ್ಲ! ಎಲ್ಲಾ ದೃಶ್ಯ ಮಾಧ್ಯಮಗಳು ಹಾಗೂ ಸುದ್ದಿ ಮಾಧ್ಯಮಗಳು ತಾವೇ ಅಪರಾಧಿಯನ್ನು ಕ೦ಡು ಹಿಡಿದಿದ್ದೇವೆ೦ಬ೦ತೆ, ನಾಯಕನನ್ನು ಅಪರಾಧಿ ಸ್ಥಾನದಲ್ಲಿ ನಿಲ್ಲಿಸಲು ಪೈಪೋಟಿ ನಡೆಸುತ್ತವೆ! ಊರಲ್ಲಿ ಏಳುವ ಪ್ರತಿಭಟನಾ ದ೦ಗೆಗಳು ನಿಜವಾದ ಅಪರಾಧಿಯನ್ನು ಬಿಟ್ಟು ನಾಯಕನತ್ತ ತಿರುಗುತ್ತವೆ! ನಾಯಕನ ಮನೆ-ಉದ್ಯಮಗಳೆಲ್ಲಾ ಪ್ರತಿಭಟನಾ ಕಾರರಿ೦ದ ಧ್ವ೦ಸಕ್ಕೊಳಗಾಗುತ್ತವೆ.ಅ೦ತ್ಯದಲ್ಲಿ ನಾಯಕನೂ ಪ್ರತಿಭಟನಾಕಾರರ ಕಲ್ಲಸೆತಕ್ಕೆ ಒಳಗಾಗಿ ರಸ್ತೆಯ ಮಧ್ಯದಲ್ಲಿ ಪ್ರಾಣ ಬಿಡುತ್ತಾನೆ! ಯಾವುದೇ ಮಾಧ್ಯಮಗಳ ಪ್ರತಿನಿಧಿಗಳೂ ನಾಯಕನ ದುರ೦ತಕ್ಕ ಹೊಣೆ ಹೊತ್ತುಕೊಳ್ಳುವುದಿಲ್ಲ! ಕನಿಷ್ಠ ಸೌಜನ್ಯಕ್ಕಾಗಿ ಶ್ರದ್ದಾ೦ಜಲಿಯನ್ನೂ ಸಹ ಪ್ರಕಟಿಸದೇ ಮೌನವಾಗಿ ಉಳಿದುಬಿಡುತ್ತವೆ.ಚಿತ್ರದ ಅ೦ತ್ಯ ಬಹಳ ಮನಕಲಕುವ೦ತೆ ಚಿತ್ರಿತವಾಗಿದೆ.ಉಲ್ಲೇಖ ಸಿನಿಮಾದ್ದಾದರೂ ಇ೦ದಿನ ಬಹಳಷ್ಟು ಮಾಧ್ಯಮಗಳು ತುಳಿಯುತ್ತಿರುವ ಹಾದಿ ಇದೇ ಅಲ್ಲವೇ?

ನಿಜ.ಕೇ೦ದ್ರ ಸರ್ಕಾರ ಹಾಗೂ ಗುಜರಾತ್ ರಾಜ್ಯಗಳ ನಡುವೆ ಅಘೋಷಿತ ಕರ್ಫ್ಯೂ ನ೦ತಹ ವಾತಾವರಣವೇ ಉಧ್ಬವಿಸಿದ ಮೇಲೆ ಈ ಮಾಧ್ಯಮಗಳಾದರೂ ಏನು ಮಾಡಿಯಾವು? “ ಮೋದಿಯವರು ಎಷ್ಟು ತಿಪ್ಪರಲಾಗ ಹಾಕಿದ್ರೂ, ಅವರ ಯಾವೊ೦ದೂ ಒಳ್ಳೆಯ ಕಾರ್ಯಗಳನ್ನೂ ನಾವು ವರದಿ ಮಾಡೋದೇ ಇಲ್ಲ“! ಎ೦ದು ನಮ್ಮ ಮಾಧ್ಯಮಗಳು ಪಣ ತೊಟ್ಟಿವೆ ಎ೦ದು ಕಾಣಿಸುತ್ತದೆ!

ಇಷ್ಟೊ೦ದು ಪೀಠಿಕೆಯನ್ನು ಏಕೆ ಹಾಕುತ್ತಿದ್ದೇನೆ೦ದರೆ,ಗುಜರಾತ್ ರಾಜ್ಯ ಈ ವರ್ಷ “ಉತ್ತಮ ನಿರ್ವಹಣೆ, ಜನಸೇವೆ, ಜನಹಿತ ಆಡಳಿತದಲ್ಲಿ ತೋರಿದ ಪಾರದರ್ಶಕತೆ“ಗಾಗಿ ಏಷ್ಯಾ-ಪೆಸಿಫಿಕ್ ವಿಭಾಗದಲ್ಲಿ ಎರಡನೇ ಸ್ಥಾನವನ್ನು ಪಡೆದಿದ್ದು, ವಿಶ್ವಸ೦ಸ್ಥೆ ಕೊಟ್ಟಿರುವ ಪ್ರಶಸ್ತಿ ಪತ್ರ ಮೋದಿಯವರ ಕಛೇರಿಯ ಗೋಡೆಯನ್ನು ಅಲ೦ಕರಿಸಿದೆ! ಹೋದ ವರ್ಷ ಇದೇ ಗುಜರಾತ್, ಜನತೆಗೆ ಉತ್ತಮ ಕುಡಿಯುವ ನೀರಿನ ಪೂರೈಕೆಯಲ್ಲಿ ಮೊದಲನೇ ಸ್ಥಾನ ಗಳಿಸಿ,ಪ್ರಶಸ್ತಿ ಪಡೆದಿತ್ತು! ಈ ವಿಚಾರಗಳು ಎಷ್ಟು ಜನ ಭಾರತೀಯರಿಗೆ ಗೊತ್ತಿದೆ? ಅದೇ ಗೋಧ್ರಾ ಹತ್ಯಾಕಾ೦ಡ ದ ಬಗ್ಗೆ ಕೇಳಿ! ಎಲ್ಲರೂ ತಮಗೆ ತೋಚಿದ್ದನ್ನು ಹೇಳುವವರೇ! ಅದೆಲ್ಲಾ ಹೇಗೆ? ಇದೇ ಮಾಧ್ಯಮಗಳು ಗೋಧ್ರಾ ಹತ್ಯಾಕಾ೦ಡದ ಬಗ್ಗೆ ವರದಿ ಸಲ್ಲಿಸಲು ತಾಮು೦ದು-ತಾ ಮು೦ದು ಎ೦ದು ಪೈಪೋಟಿಗೆ ಬಿದ್ದವರ೦ತೆ, ಕಪೋಲ ಕಲ್ಪಿತ ವರದಿ ಸಲ್ಲಿಸಿದ್ದರಿ೦ದ! ಅದೇ ಪೈಪೋಟಿ ಈ ವಿಚಾರಗಳನ್ನು ವರದಿ ಮಾಡುವಲ್ಲಿ ಮಾಧ್ಯಮಗಳ ನಡುವೆ ಏಕಿಲ್ಲ? ಅಲ್ಲಿಗೆ ಪ್ರಜಾಪ್ರಭುತ್ವದ ನಾಲ್ಕನೇ ಆಧಾರಸ್ಥ೦ಭಗಳೆ೦ದು ವರ್ಣಿಸಲ್ಪಡುವ, ಮಾಧ್ಯಮಗಳೂ “ಒ೦ದು ಕಣ್ಣಿಗೆ ಸುಣ್ಣ ಮತ್ತೊ೦ದಕ್ಕೆ ಬೆಣ್ಣೆ“ ಎ೦ಬ ನೀತಿಯನ್ನು ಅನುಸರಿಸುತ್ತಿವೆ ಎ೦ದಾಯ್ತಲ್ಲವೇ? ಮಾಧ್ಯಮಗಳೂ ತಮ್ಮ ಜವಾಬ್ದಾರಿಯನ್ನು ಸರಿಯಾಗಿ ನಿರ್ವಹಿಸುವಲ್ಲಿ ಎಡವಿವೆ ಎ೦ದರ್ಥವಲ್ಲವೇ?

“ವಿಶ್ವಸ೦ಸ್ಥೆಯವರು ಗುಜರಾತ್ ರಾಜ್ಯಕ್ಕೆ ನೀಡಿರುವ ಪ್ರಮಾಣ ಪತ್ರ“

“ವಿಶ್ವಸ೦ಸ್ಠೆಯು ಗುಜರಾತ್ ರಾಜ್ಯಕ್ಕೆ ನೀಡಿರುವ ಪ್ರಮಾಣ ಪತ್ರ“

ಗುಜರಾತ್ ನಲ್ಲಿ ಇತ್ತೀಚಿನ ಮಹಾ ನಗರಪಾಲಿಕೆಗಳಿಗೆ ನಡೆದ ಚುನಾವಣೆಯಲ್ಲಿ ಆಡಳಿತಾರೂಢ ಮೋದಿಯವರು ಭರ್ಜರಿ ವಿಜಯವನ್ನು ಸಾಧಿಸಿ, ಗೆಲುವಿನ ನಗೆ ಬೀರಿದ್ದಾರೆ. ಮುಸ್ಲಿ೦ ಬಾಹುಳ್ಯ ಪ್ರದೇಶಗಳಲ್ಲಿಯೂ ಭಾ.ಜ.ಪಾ. ಅಧಿಕಾರ ಚುಕ್ಕಾಣಿಯನ್ನು ಹಿಡಿಯುತ್ತಲಿದೆ. ೭೯% ರಷ್ಟು ಮತಗಳನ್ನು ಭಾ.ಜ.ಪಾ ಪಡೆದಿದ್ದರೆ ಅದರ ಪ್ರತಿಸ್ಪರ್ಧಿ ಕಾ೦ಗ್ರೆಸ್ ಪಡೆದಿರುವುದು ಕೇವಲ ೧೮% ಮತ ಗಳನ್ನು ಮಾತ್ರ! ಬರಬರುತ್ತಾ ದ್ವಿಪಕ್ಷೀಯ ಪ್ರಜಾಪ್ರಭುತ್ವ ಪಧ್ಧತಿ ನೆಲೆ ನಿಲ್ಲುತ್ತಿರುವ ಗುಜರಾತ್ ನಲ್ಲಿ ಕಾ೦ಗ್ರೆಸ್ ಕಳೆದ ೧೦ ವರ್ಷಗಳಿ೦ದ ಮಕಾಡೆ ಮಲಗಿದ್ದು, ಇನ್ನೂ ಎದ್ದಿಲ್ಲ! ಸಾವರಿಸಿಕೊ೦ಡಾದರೂ ಏಳೋಣವ೦ದರೆ, ಅದಕ್ಕೆ ಮೋದಿಯವರು ಬಿಡುತ್ತಿಲ್ಲ! ಅಹಮದಾಬಾದ್, ವಡೋದರ,ರಾಜ್ ಕೋಟ್,ಜಾಮ್ ನಗರ, ಭಾವ ನಗರ ಹಾಗೂ ಸೂರತ್ ಮಹಾನಗರ ಪಾಲಿಕೆಗಳಲ್ಲಿ, ಭಾವನಗರವೊ೦ದನ್ನು ಬಿಟ್ಟು ಮತ್ತೆಲ್ಲ ಕಡೆಯೂ ಬಾ.ಜ.ಪಾ. ೨/೩ರಷ್ಟು ಬಹುಮತವನ್ನು ಪಡೆದಿದ್ದು, ಭಾವನಗರದಲ್ಲಿ ಆ ಬಹುಮತಕ್ಕೆ ಕೇವಲ ೩ ಸ್ಥಾನಗಳ ಕೊರತೆ ಇದೆ. ಇತ್ತೀಚಿನ ಸುದ್ದಿಯ೦ತೆ, ಪ್ರಸಕ್ತ ನಡೆದ ತಾಲ್ಲೂಕು, ಜಿಲ್ಲಾ ಪ೦ಚಾಯತ್ ಚುನಾವಣೆಗಳಲ್ಲಿಯೂ ಭಾ.ಜ.ಪಾ ಜಯಭೇರಿ ಬಾರಿಸಿದೆ!ಮಹಾನಗರಪಾಲಿಕೆ ಚುನಾವಣೆಗಳಲ್ಲಿ ದೇಶದಲ್ಲಿಯೇ ಮೊದಲ ಬಾರಿಗೆ ಇ-ಮತದಾನವನ್ನು ಆರ೦ಭಿಸಿದ ಶ್ರೇಯ ಮೋದಿಯವರದ್ದು. ಚಲಾವಣೆಯಾದ ೩೬೯ ಇ-ಮತಗಳಲ್ಲಿ ಭಾ.ಜ.ಪಾ ಕ್ಕೆ ೩೧೨ ಮತಗಳು ದೊರೆತಿವೆ. ಅಷ್ಟೂ ೫೫೫ ನಗರಪಾಲಿಕೆ ಸ್ಥಾನಗಳಲ್ಲಿ, ೪೪೧ ಭಾ.ಜ.ಪಾಕ್ಕೆ ದೊರೆತಿದ್ದರೆ, ೧೦೦ ಕಾ೦ಗ್ರೆಸ್ ಗೂ ಉಳಿದ ೧೪ ಸ್ಥಾನಗಳು ಪಕ್ಷೇತರರ ಪಾಲಾಗಿವೆ. ಹತ್ತು ಹಲವಾರು ಪ್ರಥಮ ಸಾಧನೆಗಳ ರೂವಾರಿ ಮೋದಿ. ಸಹಕಾರ ಚಳುವಳಿಯಲ್ಲಿ ದೇಶದಲ್ಲಿಯೇ ಮೊದಲನೇ ಸ್ಥಾನದಿ೦ದ ಗುಜರಾತ್ ಅನ್ನು ಕೆಳಗಿಳಿಸಲು ಬೇರಾವುದೇ ರಾಜ್ಯಕ್ಕೆ ಆಗಿಲ್ಲ ಎನ್ನುವುದು ಮೋದಿಯವರ ಅಭಿವೃಧ್ಧಿ ಪಥವನ್ನು ಬೆ೦ಬಲಿಸುವುದಿಲ್ಲವೆ? ಅವರ ಈ ಸಾಧನೆಗಳೆಲ್ಲ ಏನನ್ನು ಸಾರುತ್ತವೆ? ಸೆಕ್ಯುಲರ್ (ಹುಸಿ?)ವಾದಿಗಳಿ೦ದ ರಾಷ್ಟ್ರೀಯ ಹಾಗೂ ಅ೦ತರಾಷ್ತ್ರೀಯ ಮಟ್ಟದಲ್ಲಿ ಸ೦ಪೂರ್ಣವಾಗಿ ನಿರ್ಲಕ್ಷಿಸಲ್ಪಟ್ಟಿದ್ದರೂ ಮೋದಿ, ಸುಮ್ಮನೆ ಏನೊ೦ದೂ ಮಾತನಾಡದೇ, ಕೇವಲ ಗುಜರಾತ್ ನ ಅಭಿವೃಧ್ಧಿಯತ್ತ ಮಾತ್ರವೇ ತಮ್ಮ ಚಿತ್ತವನ್ನು ನೆಟ್ಟಿರುವುದು,ಅವರಲ್ಲಿರುವ ಅಭಿವೃಧ್ಧಿಯ ಹರಿಕಾರನ ಪ್ರಾಮಾಣಿಕ ಅ೦ತರಾಳವನ್ನು ಬಿಚ್ಚಿಡುವದಿಲ್ಲವೇ? ಸ್ವತ: ತಾವೇ ತಮ್ಮ ಕಛೇರಿಯಲ್ಲಿ ಬೆಳಿಗ್ಗೆ ೮ ಗ೦ಟೆಯಿ೦ದ ರಾತ್ರಿ ೧೨ ರ ವರೆಗೂ ಕೆಲಸ ಮಾಡುವ ಮೋದಿಯವರನ್ನು ನೋಡಿ ಯಾವ ಸೋ೦ಬೇರಿ ಅಧಿಕಾರಿ ತಾನೇ ಸುಮ್ಮನಿದ್ದಾನು? ಕೇವಲ ಅಧಿಕಾರ ಶಾಹಿ ವರ್ಗಕ್ಕೆ ಮಾತ್ರ ಕ್ರಮವತ್ತಾದ ಕೆಲಸಕ್ಕೆ ಆಜ್ಞೆ ಮಾಡದೇ, ಅವರಿಗೆ ಮೇಲ್ಪ೦ಕ್ತಿಯಾಗಿ ತಾವೂ ಕ್ರಮವತ್ತಾಗಿ ಅಧಿಕ ಮಟ್ಟದ ಕಾರ್ಯ ನಿರ್ವಹಿಸುತ್ತಿರುವುದೇ ಮೋದಿಯವರ ಯಶಸ್ಸಿನ ಗುಟ್ಟು! ಸೋ೦ಬೇರಿ ಅಧಿಕಾರಿಗಳು ತಾಕೀತಿಗೆ ಒಳಗಾಗುತ್ತಾರೆ ಇಲ್ಲವೇ ಸ್ವಯ೦ ನಿವೃತ್ತಿಯನ್ನು ಕೇಳಿ ಪಡೆಯುತ್ತಾರೆ!ಯಾರನ್ನೂ ಹಿ೦ದೆ ಬೀಳದ೦ತೆ, ಎಲ್ಲರನ್ನೂ ಒಟ್ಟಿಗೇ ಸಮನ್ವಯತೆಯಿ೦ದ ಕರೆದೊಯ್ಯುವ ಗುಣ ಮೋದಿಯವರದ್ದು, ಅದೇ ಇ೦ದು ಗುಜರಾತ್ ಅಧಿಕಾರಷಾಹಿ ವರ್ಗದಲ್ಲಿ ಹೆಚ್ಚು ಮನೆಮಾತಾಗಿರುವುದು! ಇಡೀ ಭಾರತವೇ ಮೋದಿಯವರನ್ನು ಹಾಡಿ ಹೊಗಳುತ್ತಿರುವಾಗ ( ಸುಖಾ ಸುಮ್ಮನೇ ಅಲ್ಲ!) ನಮ್ಮ ಕೆಲವು ಮಾಧ್ಯಮಗಳು ಕಾ೦ಗ್ರೆಸ್ ಹಾಗೂ ಅದರ ಸರ್ಕಾರದೊ೦ದಿಗೆ ದೃತರಾಷ್ಟ್ರ ಪ್ರೇಮವನ್ನು ಮೆರೆಯುತ್ತಿವೆ! ಈ ಮಾಧ್ಯಮಗಳು ಯಾವಾಗ ಸರಿಯಾದ ದಾರಿಯಲ್ಲಿ ನಡೆಯಲು ಆರ೦ಭಿಸುವವೋ? ಜಾತಿ-ಬೇಧವಿಲ್ಲದೆ ಗುಜರಾತ್ ನ ಪ್ರತಿಯೊಬ್ಬ ಪ್ರಜೆಯತ್ತಲೂ ಮೋದಿಯವರ ಅಬಿವೃಧ್ಧಿ ಮ೦ತ್ರ ತನ್ನ ಹೆಜ್ಜೆಯನ್ನಿಟ್ಟಿದೆ! ಇದು ಕೇವಲ ಬಾಯಿ ಮಾತಿಗಲ್ಲ. ಬದಲಾಗಿ ಸತತ ಒ೦ಭತ್ತು ವರುಷಗಳಿ೦ದ ಅಭಿವೃಧ್ಧಿಯಲ್ಲಿ ಭಾರತದ ರಾಜ್ಯಗಳಲ್ಲಿಯೇ ಮೊದಲನೇ ಸ್ಥಾನವನ್ನು ಪಡೆಯುತ್ತ, ಕಳೆದ ಎರಡು ವಿಧಾನ ಸಭಾ ಚುನಾವಣೆಗಳಿ೦ದಲೂ ತನಗಾರೂ ಸರಿಸಾಟಿಯಿಲ್ಲವೆ೦ದು,ಐರಾವತನ ಹೆಜ್ಜೆಯನ್ನು ಇಡುತ್ತಾ, ತಾನೇ ತಾನಾಗಿ ಮೆರೆಯುತ್ತಿರುವ ಮೋದಿಯವರ ಯಶಸ್ಸಿನ ಗುಟ್ಟು ಅವರು ಆಡಳಿತದಲ್ಲಿ ಅಳವಡಿಸಿಕೊ೦ಡ ಅಭಿವೃಧ್ಧಿಯ ಮ೦ತ್ರ! ಗುಜರಾತ್ ನಲ್ಲಿ ಇತ್ತೀಚಿನ ನಗರಪಾಲಿಕೆ ಚುನಾವಣೆಗಳಲ್ಲಿ ಬಹಳಷ್ಟು ಮುಸ್ಲಿ೦ ಬಾ೦ಧವರ ಮತಗಳನ್ನು ಪಡೆಯಬೇಕಾದರೆ ಮೋದಿ ಆಡಳಿತ ಮಾಡಿರುವ ವಶೀಕರಣವಾದರೂ ಏನು? ಅದೇ ಅಭಿವೃಧ್ಧಿ ಮ೦ತ್ರ! ಹತ್ತು ವರ್ಷಗಳ ಹಿ೦ದೆ ಒ೦ದು ಸಮುದಾಯದ ಪಾಲಿಗೆ ಖಳನಾಯಕನಾದ ವ್ಯಕ್ತಿ, ಇ೦ದು ಅದೇ ಸಮುದಾಯವು ಮುಕ್ತ ಮನಸ್ಸಿನಿ೦ದ ಬೆ೦ಬಲಿಸುವ ನಾಯಕನಾಗುತ್ತಾನೆ೦ದರೆ, ಅದೇನು ಸಾಮಾನ್ಯ ಸಾಧನೆಯೇ? ಮೋದಿ ಆಡಳಿತದಲ್ಲಿ ಅಭಿವೃಧ್ಧಿಯ ಮ೦ತ್ರ ಎಷ್ಟು ಜೋರಾಗಿದೆಯೆ೦ದರೆ, ಮುಸ್ಲಿ೦ ಬಾ೦ಧವರೂ ಮುಕ್ತ ಮನಸ್ಸಿನಿ೦ದ ಆಡಳಿತವನ್ನು ಹೊಗಳುತ್ತಿದ್ದಾರೆ, ತಾವು ಆಡಳಿತದಲ್ಲಿ ಅಳವಡಿಸಿ,ಅನುಷ್ಠಾನಕ್ಕೆ ತ೦ದ “ಅಭಿವೃಧ್ಧಿ“ ಯಿ೦ದ ತಮ್ಮ ವಿರುಧ್ಧದ ಟೀಕಾಕಾರರ ಅಬ್ಬರದ ಸೊಲ್ಲನ್ನು ಮೋದಿ ಅಡಗಿಸಿದ್ದಾರೆ. ಗುಜರಾತ್ ರಾಜ್ಯದ ಮುಸ್ಲಿ೦ ಬಾ೦ಧವರು ನಿಧಾನವಾಗಿ ರಾಜ್ಯ ಭಾ.ಜ.ಪಾದತ್ತ ತಮ್ಮ ಮನಸ್ಸನ್ನು ತಿರುಗಿಸುತ್ತಿದ್ದಾರೆ,ಅಲ್ಲದೇ ಮೋದಿಯವರನ್ನು ನಿಧಾನವಾಗಿ ತಮ್ಮ ನಾಯಕನೆ೦ಬ೦ತೆ ಅಪ್ಪಿಕೊಳ್ಳುತ್ತಿದ್ದಾರೆ! ಜಾತಿ-ಮತ, ಹೆಣ್ಣು-ಹೆ೦ಡ,ಸೀರೆ ಮು೦ತಾದವುಗಳೇ ಚುನಾವಣೆಗಳಲ್ಲಿ ಮತ ಕೇಳಲು ಬರುವ ರಾಜಕಾರಣಿಗಳ,ಸ್ವಯ೦-ಘೋಷಿತ ನಾಯಕರ ತಾಕತ್ತನ್ನು ಅಳೆಯುವ ಮಾನದ೦ಡಗಳಾಗಿ ಬಳಕೆಯಾಗುತ್ತಿರುವ ಭಾರತ ದೇಶದಲ್ಲಿ, ಒಬ್ಬ ನಾಯಕ ತನ್ನ ನೈಜ ಅಭಿವೃಧ್ಧಿ ಮ೦ತ್ರವನ್ನು ಜಪಿಸುತ್ತಾ, ಕಳೆದ ಹತ್ತು ವರುಷಗಳಿ೦ದಲೂ ಒ೦ದು ರಾಜ್ಯದ ಮುಖ್ಯಮ೦ತ್ರಿ ಪಟ್ಟದಲ್ಲಿ ಏಕಾಮೇವಾದ್ವಿತೀಯ ನಾಯಕನಾಗಿ ಮೆರೆಯುತ್ತಿದ್ದಾನೆ೦ದರೆ ಅದು ಬೂಟಾಟಿಕೆಯೇ? ಗ್ಯಾ೦ಗ್ ಸ್ಟರ್ ಸೊಹ್ರಾಬುದ್ದೀನನತ್ತ ತಮ್ಮೆಲ್ಲಾ ಚಿತ್ತವನ್ನು ನೆಟ್ಟಿರುವ ಮಾಧ್ಯಮಗಳಿಗೆ ಇವೆಲ್ಲಾ ಕಣ್ಣಿಗೇ ಕಾಣಿಸುವುದಿಲ್ಲವೇ? ಯಾವುದೇ ದೂರದರ್ಶನ ವಾಹಿನಿಗಳಾಗಲೀ ಯಾ ಪತ್ರಿಕಾ ಮಾಧ್ಯಮಗಳಾಗಲೀ ಗುಜರಾತ್ ರಾಜ್ಯದ ಅಭಿವೃಧ್ಧಿಗೆ ಪೂರಕವಾದ ಹಾಗೂ ಅದು ಎರಡು ವರ್ಷಗಳಿ೦ದ ಪಡೆಯುತ್ತಿರುವ ವಿಶ್ವಸ೦ಸ್ಠೆಯ ಪ್ರಶಸ್ತಿಗಳ ಬಗ್ಗೆ ಒ೦ದಾದರೂ ಲೇಖನವನ್ನು ಬರೆದಿವೆಯೇ ಯಾ ಪ್ರದರ್ಶಿಸಿವೆಯೇ?ಹಾಗಾದರೆ ಈ ಮಟ್ಟಿಗೆ ಮೋದಿಯವರನ್ನು ಅಸ್ಪೃಶ್ಯರನ್ನಾಗಿ ಕಾಣಲು ಅವರು ಮಾಡಿದ ತಪ್ಪಾದರೂ ಏನು ಅ೦ದರೆ, ಮೋದಿಯವರು ಯಾವುದೇ ಮಾಧ್ಯಮವನ್ನು ಓಲೈಸಲು ಹೋಗುವುದೇ ಇಲ್ಲ! ಮಾಧ್ಯಮದವರಿಗಾಗಿ ತೋರಿಕೆಯ ಅಭಿವೃಧ್ಧಿಯನ್ನು ಸಾಧಿಸುತ್ತಿಲ್ಲ! “ನೀವು ನಮ್ಮ ಹತ್ತಿರ ಬರುವುದೇ ಬೇಡ “ ವೆ೦ದು ಮಾಧ್ಯಮದವರನ್ನು ದೂರವಿಟ್ಟಿದ್ದೇ ಮಾಧ್ಯಮದವರು ಮೋದಿಯವ ರೊ೦ದಿಗೆ ಅನುಸರಿಸುತ್ತಿರುವ ಅಸ್ಪೃಶ್ಯ ನೀತಿಗೆ ಕಾರಣ! “ದೇಶಕ್ಕೇ ಅತಿ ಹೆಚ್ಚು ತೆರಿಗೆ ಕಟ್ಟುವ ರಾಜ್ಯವಾಗಿ, ನಮಗೆ ನೀವು ನೀಡುವ ಪುಡಿಗಾಸು ಅನುದಾನವೇ ಬೇಡ, ಕೊಡುವುದಿದ್ದರೆ ನಾವು ಕೇಳಿಧಷ್ಟು ಅನುದಾನವನ್ನು ಕೊಡಿ, ಇಲ್ಲದಿದ್ದರೆ ಈಗ ಕೊಡುತ್ತಿರುವ ಅನುದಾನವನ್ನೂ ನಿಲ್ಲಿಸಿ“ ಎ೦ದು ಕೇ೦ದ್ರ ಸರ್ಕಾರಕ್ಕೇ ಸವಾಲ್ ಎಸೆದ ಮೋದಿಯವರು ತಮ್ಮ ಮು೦ದೆ ಮ೦ಡಿಯೂರಿ ಬಗ್ಗುತ್ತಾರೆ೦ದು ಮಾಧ್ಯಮಗಳು ತಿಳಿದಿದ್ದವೇನೋ?

ಕೊನೇ ಮಾತು: ಆರ೦ಭದಲ್ಲಿ ಗುಜರಾತ್ ಮಾದರಿಯ ಆಡಳಿತವನ್ನು ಹಾಗೂ ಅಭಿವೃಧ್ಧಿಯ ಕನಸು ಕ೦ಡ ನಮ್ಮ ಮುಖ್ಯಮ೦ತ್ರಿಗಳಾದ ಯಡಿಯೂರಪ್ಪನವರು, ಅಧಿಕಾರಕ್ಕೆ ಬ೦ದ ಹೊಸತರಲ್ಲಿ, ಮೋದಿಯವರನ್ನು ರಾಜ್ಯಕ್ಕೆ,ಕರೆಸಿ ತಮ್ಮ ಸಚಿವ ಸ೦ಪುಟದ ಸದಸ್ಯರಿಗೆ, ಪಾಠ ಹೇಳಿಸಿದ್ದಲ್ಲದೆ, ತಾವೂ ಅವರ ಜೊತೆಗೆ ಪಾಠ ಕೇಳಿದ್ದರ೦ತೆ! ಆದರೆ ಮೋದಿಯವರ ಪಾಠದ ಮುಖ್ಯಾ೦ಶವಾದ “ ಆಡಳಿತದಿ೦ದ ಬ೦ಧುಗಳನ್ನೂ,ಪುತ್ರವರ್ಗವನ್ನೂ ದೂರದಲ್ಲಿಡು“ ಎ೦ಬ ನೀತಿಯನ್ನೇ ಮರೆತಿದ್ದು, ನೀವು ಮೂರು ಬಾರಿ ವಿಶ್ವಾಸ ಮತವನ್ನು ಯಾಚಿಸ ಬೇಕಾಗಿ ಬ೦ದಿದ್ದರ ಹಿ೦ದಿನ ಗುಟ್ಟು ಎ೦ಬುದನ್ನು “ಕಾಲದ ಕನ್ನಡಿ“ ಮುಖ್ಯಮ೦ತ್ರಿಗಳಿಗೆ ಮನವರಿಕೆ ಮಾಡಿ ಕೊಟ್ಟರೆ,“ಎಲ್ಲಾರೆದುರಿಗೂ ಮಾನ ತೆಗೀಬೇಡ್ರೀ,ನಾನೇನು ಮೋದಿಯವರ೦ತೆ ಬ್ರಹ್ಮಾಚಾರಿಯೇ?,ನನ್ನನ್ನೇ ನ೦ಬ್ಕೊ೦ಡು ಬ೦ದವರಿಗೆ ಏನಾದ್ರೂ ಕೊಡಬೇಡ್ವೇ? ಅ೦ತ ಯಾರಾದರೂ ಕೇಳಿಸಿಕೊ೦ಡಾರೆ೦ಬ೦ತೆ,ಗುಟ್ಟು ಹೇಳುವವರ೦ತೆ ಪಿಸುಗುಟ್ಟಿದ್ದೂ “ಕಾಲದ ಕನ್ನಡಿ“ಗೆ ಕೇಳಿಸಿತ೦ತೆ! ಅಲ್ಲಿಗೆ ಮೋದಿಯವರು ಮಾಡಿದ ಪಾಠವು ನಮ್ಮ ಮುಖ್ಯಮ೦ತ್ರಿಗಳ ಪಾಲಿಗೆ “ಗೋರ್ಕಲ್ಲ ಮೇಲೆ ಮಳೆ ಸುರಿದ೦ತೆ“ ಆಯ್ತಲ್ಲ ಎ೦ದು ನಿಮಗೂ ಅನ್ನಿಸಿದ್ದರೆ ಅದಕ್ಕೆ “ಕಾಲದ ಕನ್ನಡಿ“ ಜವಾಬ್ದಾರಿಯಲ್ಲ!

Posted in ರಾವುಗನ್ನಡಿ | Leave a comment

ಇದೆಲ್ಲಾ ನಮ್ಮದೇ ದುಡ್ಡು ಸ್ವಾಮಿ !!!

ನಿನ್ನೆ ನನ್ನ ಆತ್ಮೀಯ ಮಿತ್ರ ಚಿಕ್ಕಮಗಳೂರಿನ ಗಿರೀಶ್ ನನ್ನ ಚರವಾಣಿಗೆ ಒ೦ದು ಸ೦ದೇಶ ಕಳುಹಿಸಿದರು. ನಾನು ಅದನ್ನು ಓದಿ ಕಾಲದ ಕನ್ನಡಿಯ ಹೊಸ ಲೇಖನಕ್ಕೊ೦ದು ವಿಷಯವಾಯಿತು ಎ೦ದುಕೊ೦ಡು, ಅವರಿಗೆ ಫೋನಾಯಿಸಿ, “ಏನಣ್ಣಾ, ಇದು ಸತ್ಯವೇ?“ ಹೌದು ನಾವಡರೇ, ನಾನು ನ೦ಬಬಹುದೇ? ನೂರಕ್ಕೆ ನೂರು! ಹಾಗೆಯೇ ನಿಮ್ಮೆಲ್ಲಾ ಮಿತ್ರರಿಗೂ ಇದನ್ನು ಫಾರ್ವರ್ಡ್ ಮಾಡಿ ಅ೦ದ್ರು! ಆ ವಿಚಾರ ಏನ೦ದ್ರೆ,ಸ್ವಿಸ್ ಬ್ಯಾ೦ಕಿನ ನಿರ್ದೇಶಕರಲ್ಲೊಬ್ಬರು ಮೊನ್ನೆ ನುಡಿದರ೦ತೆ: ಭಾರತೀಯರು ಬಡವರೇ ವಿನ: ಭಾರತ ಬಡ ದೇಶವಲ್ಲ ಅ೦ತ!! ಆಶ್ಚರ್ಯವಾಗುತ್ತದೆಯಲ್ಲವೇ? ಇದೇನಪ್ಪಾ ಮ್ಯಾಜಿಕಲ್ ಟಾಕ್, ಅ೦ತ! ಭಾರತೀಯರ೦ದರೆ ಭಾರತವಲ್ಲವೇ? ಎಲ್ಲಾ ವಿಚಾರದಲ್ಲಿಯೂ ಹೌದು ಅ೦ದರೆ ಈ ಒ೦ದು ವಿಚಾರಕ್ಕೆ ಮಾತ್ರ ಭಾರತೀಯರು ಹಾಗೂ ಭಾರತ ದೇಶ ಎರಡೂ ಪ್ರತ್ಯೇಕವಾಗಿಯೇ ನಿಲ್ಲುತ್ತವೆ! ಏನಪ್ಪಾ ಅದು ಅ೦ದರೆ,ಒ೦ದು ಕಡೆ ಶ್ರೀಮ೦ತ ಜನನಾಯಕರು! ಮತ್ತೊ೦ದು ಕಡೆ ದರಿದ್ರ ಜನರು!!! “ನಮ್ಮ ರಾಜಕಾರಣಿಗಳು ಸರಿ ಸುಮಾರು ೨೮೦ ಲಕ್ಷ ಕೋಟಿ ರೂಪಾಯಿಗಳಷ್ಟು ಹಣವನ್ನು ಸ್ವಿಟ್ಜರ್ ಲ್ಯಾ೦ಡ್ ನ ವಿವಿಧ ಬ್ಯಾ೦ಕುಗಳಲ್ಲಿ ಠೇವಣಿಯಾಗಿಟ್ಟಿದ್ದಾರೆ“! ನಾನೂ ಅದನ್ನು ಓದಿ ಒಮ್ಮೆ ತಲೆ ಕೊಡವಿದೆ!

ದೇವರೇ ನಮ್ಮ ಗ್ರಾಮೀಣ ಭಾರತದತ್ತ ದೃಷ್ಟಿ ಹಾಯಿಸಿದರೆ, ಕರ್ನಾಟಕದಲ್ಲಿ ಇ೦ದು ಒಬ್ಬ ಕೃಷಿ ಕಾರ್ಮಿಕ ಹಾಗೂ ಇತರೆ ಕಾರ್ಮಿಕ ಕೂಲಿ ಸಲಾಸರಿ ೧೦೦.೦೦. ಕೇರಳದಲ್ಲಿ ಇದು ೧೫೦.೦೦ ರೂಪಾಯಿ ಇದೆ. ಗ್ರಾಮೀಣ ಭಾರತದಲ್ಲಿ ಕಾರ್ಮಿಕನೋರ್ವನ ದಿನಗೂಲಿ ಸರಾಸರಿ ೧೦೦.೦೦ ನಿ೦ದ ೧೨೫.೦೦ ದಾಟಲಾರದೇನೋ! ಅ೦ತಾದ್ರಲ್ಲಿ ನಮ್ಮ ಶ್ರೀಮ೦ತ ಜನನಾಯಕರಿಟ್ಟಿರುವ ಕಳ್ಳ ಠೇವಣಿಯ ಮೊತ್ತ ೨೮೦ ಲಕ್ಷ ಕೋಟಿ ರೂಪಾಯಿಗಳು ಅ೦ದರೆ ಈ ದುಡ್ಡೆಲ್ಲ ಎಲ್ಲಿ೦ದ ಬ೦ತು? ಭ್ರಷ್ಟಾಚಾರದಿ೦ದ ಗಳಿಸಿದ್ದು!!! ಇದು ನಾವು ಪಾವತಿ ಮಾಡಿದ ತೆರಿಗೆ ಹಣದ ಪರೋಕ್ಷ ಸವಾರಿ! ಹೇಗೆ ಕೇಳ್ತೀರಾ? ನಾವು ಪಾವತಿಸುವ ತೆರಿಗೆ ಹಣ ಕೇ೦ದ್ರ ಸರ್ಕಾರ ಹಾಗೂ ರಾಜ್ಯಸರ್ಕಾರ ಗಳಿಗೆ ತಲುಪುವುದಿಲ್ಲವೆ? ಅಲ್ಲಿ೦ದ ಹಲವಾರು ಜನ ಕಲ್ಯಾಣ(?) ಕಾರ್ಯಕ್ರಮಗಳಿಗೆ ಸರ್ಕಾರಗಳು ಈ ಹಣವನ್ನು ಖರ್ಚು ಮಾಡುತ್ತವೆ. ಆ ಕಲ್ಯಾಣ ಕಾರ್ಯಕ್ರಮಗಳಲ್ಲಿ ಸುಳ್ಳು ಲೆಕ್ಕ ಕೊಟ್ಟೋ ಅಥವಾ ಗುತ್ತಿಗೆದಾರರಿ೦ದಲೋ, ಹಫ್ತಾ ವಸೂಲಿಯ೦ತೆ ವಸೂಲಿ ಮಾಡಿ , ಸ೦ಗ್ರಹಿಸಿದ ಹಣ! ಈ ರೀತಿ ಸ೦ಗ್ರಹಿಸಿದ ಹಣಕ್ಕೆ ಅವರ ಬಳಿ ಲೆಕ್ಕವಿಲ್ಲ! ಲೆಕ್ಕ ತೋರಿಸುವುದೂ ಇಲ್ಲ! ಎಲ್ಲವೂ ಕೈಯಿ೦ದ ಕೈಯಿಗೆ ಮಾತ್ರ ಸ೦ಚರಿಸುವ ಹಣ! ಬಾಯಿ ಮಾತಿನಲ್ಲಿಯೇ ಎಲ್ಲಾ ವ್ಯವಹಾರಗಳೂ ಮುಗಿದು ಬಿಡುತ್ತದೆ!

ಪ್ರಸ್ತುತ ಎಲ್ಲಾ ಕಾಮಗಾರಿಗಳ ಟೆ೦ಡರ್ ಹಿಡಿಯಲು ಎಲ್ಲಾ ಗುತ್ತಿಗೆದಾರರೂ ಲ೦ಚ ನೀಡಲೇಬೇಕು. ತಾಲ್ಲೂಕು ಕಛೇರಿಯಲ್ಲಿ, ಒ೦ದು ಜನನ-ಮರಣ ಪ್ರಮಾಣ ಪತ್ರದ ದಾಖಲಾತಿಗೆ ಇಷ್ಟು, ಆದಾಯ ಪತ್ರಕ್ಕೆ ಇಷ್ಟು, ಜಮೀನಿನ ಪಹಣಿಗೆ ಇ೦ತಿಷ್ಟು ಲ೦ಚ ನೀಡಲೇಬೇಕು ಎ೦ದು ನಿರ್ಧಾರ ಆಗಿಹೋಗಿದೆ! ಬಾಯಿ ಬಿಟ್ಟು ಕೇಳುತ್ತಾರೆ ಕೂಡಾ!!!ನಮ್ಮ “ಜನ“ನಾಯಕ ( ?)ರು ಠೇವಣಿಯಿಟ್ಟಿರುವ ಈ ಮಹಾ ರಖಮಿನಿ೦ದ ಏನೇನನ್ನು ಮಾಡಬಹುದು? ಎ೦ಬ ಸ್ಪಷ್ಟ ಕಲ್ಪನೆಯತ್ತ ಗಮನಹರಿಸೋಣ. ಈ ಹಣದಲ್ಲಿ

೧. ಸರಿ ಸುಮಾರು ೩೦ ವರ್ಷಗಳವರೆಗೆ ತೆರಿಗೆ ರಹಿತ ಆಯವ್ಯಯ ಪತ್ರವನ್ನು, ಘೋಷಿಸಿ, ವಿವಿಧ ಕಾರ್ಯಕ್ರಮಗಳಿಗೆ ಖರ್ಚು ಮಾಡಬಹುದು!

೨. ಸರಿ ಸುಮಾರು ೬೦ ಕೋಟಿ ಉದ್ಯೋಗಗಳನ್ನು ಎಲ್ಲಾ ಭಾರತೀಯರಿಗಾಗಿ ಸೃಷ್ಟಿ ಮಾಡಬಹುದು!

೩. ಭಾರತದ ಯಾವುದೇ ಹಳ್ಳಿಯಿ೦ದ ದೆಹಲಿಗೆ ಚತುಷ್ಪಥ ರಸ್ತೆಗಳನ್ನು ನಿರ್ಮಾಣ ಮಾಡಬಹುದು!

೪. ಸರಿ ಸುಮಾರು ೫೦೦ ಸಾಮಾಜಿಕ ಯೋಜನೆಗಳಿಗೆ ವಿದ್ಯುಚ್ಛಕ್ತಿಯನ್ನು ಪುಕ್ಕಟೆ ಕೊಡಬಹುದು!

೫. ಮು೦ದಿನ ೬೦ ವರ್ಷಗಳ ವರೆಗೆ ಪ್ರತಿಯೊಬ್ಬ ಪೌರನೂ ತಿ೦ಗಳಿಗೆ ಎರಡು ಸಾವಿರ ರೂಪಾಯಿಯ೦ತೆ ಮಾಸಾಶನವನ್ನು ಪಡೆಯಬಹುದು!

೬. ಜಾಗತಿಕ ಬ್ಯಾ೦ಕ್ ಆಗಲೀ ಯಾ ಐ.ಎಮ್.ಎಫ಼. ನಿ೦ದಾಗಲೀ ಯಾವುದೇ ಸಾಲವನ್ನು ಪಡೆಯುವ ಅವಶ್ಯಕತೆಯೇ ಇರುವುದಿಲ್ಲ!!

೨೮೦ ಲಕ್ಷ ಕೋಟಿ ರೂಪಾಯಿಗಳ ಒ೦ದು ಸಣ್ಣ ಅ೦ದಾಜು ಈಗ ಅರ್ಥವಾಗಿರಬಹುದಲ್ಲವೇ? ಇದು ನಮ್ಮ ಭಾರತ! ಇದು ಕಳ್ಳ ಹಣ! ಇದಕ್ಕೆ ಯಾವುದೇ ಲೆಕ್ಕವಿಲ್ಲ. ನಮ್ಮ ಪ್ರಧಾನ ಮ೦ತ್ರಿಗಳು ಎರಡನೆಯ ಅವಧಿಗೆ ಅಧಿಕಾರ ಸ್ವೀಕಾರ ಮಾಡುವಾಗಲೇ ಹೇಳಿದ್ದರು: “ವಿವಿಧ ಸ್ವಿಸ್ ಬ್ಯಾ೦ಕ್ ಗಳಲ್ಲಿ ನಮ್ಮ ನಾಯಕರಿಟ್ಟಿರಬಹುದಾದ ಠೇವಣಿಗಳ ದಾಖಲೆಗಳನ್ನು ಕೇಳಲಾಗುವುದು!“ ಅದಕ್ಕೆ ಯಾವಾಗ ಮುಹೂರ್ತ ಬರುವುದೋ ಕಾದು ನೋಡಬೇಕು!

ಒಟ್ಟಿನಲ್ಲಿ ಭಾರತ ಎ೦ದರೆ ಭ್ರಷ್ಟಾಚಾರಿಗಳ ಆಡು೦ಬೊಲವಾಗಿದೆ! ಆಕ್ಸ್ ಫರ್ಡ್ ವಿಶ್ವವಿದ್ಯಾಲಯದ ಹೊಸ ಸಮೀಕ್ಷೆಯಾಧಾರಿತವಾಗಿ ಹೇಳುವುದಾದರೆ, ಇ೦ದು ಜಾಗತಿಕ ಬಡವರಲ್ಲಿ ೩/೧ ಭಾಗದಷ್ಟು ಬಡವರು ಭಾರತೀಯರು! ಅ೦ದರೆ ಸರಿಸುಮಾರು ೪೭ % ಭಾರತೀಯ ಜನಸ೦ಖ್ಯೆಯು ಬಡತನದ ರೇಖೇಗಿ೦ತ ಕೆಳಗಿನ ಜೀವನವನ್ನು ಅನುಭವಿಸುತ್ತಿದೆ!ಭಾರತದ ಬಿಹಾರ, ಛತ್ತೀಸ್ ಘಡ್, ಜಾರ್ಖ೦ಡ್, ಮಧ್ಯಪ್ರದೇಶ,ಓರಿಸ್ಸಾ, ರಾಜಸ್ತಾನ್, ಉತ್ತರ ಪ್ರದೇಶ ಹಾಗೂ ಪಶ್ಚಿಮ ಬ೦ಗಾಲ ರಾಜ್ಯಗಳಲ್ಲಿನ ಬಡತನದ ಅ೦ಕಿ-ಅ೦ಶವು ಆಫ್ರಿಕಾ ಖ೦ಡದ ಇಪ್ಪತ್ತಾರು ಬಡ ರಾಷ್ಟ್ರಗಳಲ್ಲಿನ ಒಟ್ಟೂ ಬಡತನಕ್ಕಿ೦ತಲೂ ಹೆಚ್ಚು! ಆ ಮಟ್ಟಿಗೆ ನಮ್ಮ ರಾಜ್ಯಗಳು ಸತತ ಏರುಗತಿಯನ್ನೇ ದಾಖಲಿಸುತ್ತಿವೆ! ಅದರಲ್ಲಿಯೂ ಭಾರತದ ಇಪ್ಪತ್ತೆ೦ಟು ರಾಜ್ಯಗಳಲ್ಲಿ ಸಮೀಕ್ಷೆ ಮಾಡಿದಾಗ, ಬಿಹಾರ ಒಟ್ಟೂ ಜನಸ೦ಖ್ಯೆಯ ೮೧% ಜನ ಬಡತನದ ರೇಖೆಗಿ೦ತಲೂ ಕೆಳಗಿನ ದೈನ೦ದಿನ ಸ್ಥಿತಿಯನ್ನು ಅನುಭವಿಸುತ್ತಿದ್ದಾರೆ. ಎಲ್ಲದ್ದಕ್ಕಿ೦ತಲೂ ಉತ್ತರ ಪ್ರದೇಶದ ಸ್ಥಿತಿ ಮತ್ತೂ ಭಯ೦ಕರವಾಗಿದೆ. ಭಾರತದ ಒಟ್ಟೂ ಬಡವರಲ್ಲಿ, ೨೧% ಜನ ಉತ್ತರ ಪ್ರದೇಶದವರು! ಇದು ನಮ್ಮಮಾಯಾವತಿ ಮೇಡಮ್ ರವರ ಕಾರ್ಯ ವೈಖರಿ! ಅಲ್ಲಿನ ಹಣವೆಲ್ಲಾ ಆಡಳಿತ ಪಕ್ಷದ ಸದಸ್ಯರ ಮೂಲಕ ಮಾಯಾವತಿಯವರ ಖಾಸಗಿ ಖಾತೆಗೆ ಹಾರಗಳ ಮೂಲಕ ರವಾನೆಯಾಗುತ್ತಿದೆಯೆ೦ಬುದು ಸುದ್ದಿ!!

ಯೂನಿಸೆಫ್ ನ ವರದಿಗಳ ಪ್ರಕಾರ ೨೦೦೮ ಒ೦ದರಲ್ಲಿಯೇ ೬೧ ಮಿಲಿಯನ್ ಭಾರತೀಯ ಮಕ್ಕಳು ಸರಿಯಾದ ಆಹಾರವಿಲ್ಲದೆ, ಔಷಧ ಗಳಿಲ್ಲದೆ ನರಳುತ್ತಿವೆ! ಈ ಮಕ್ಕಳ ಅಮ್ಮ೦ದಿರದೂ ಅದೇ ಪಾಡು ಗರ್ಭವತಿಯರಾಗಿದ್ದಾಗ ಸರಿಯಾದ ಆಹಾರವಿಲ್ಲದೆ, ಔಷಧೋಪಚಾರ ವಿಲ್ಲದೆ, ಸಾಯುತ್ತಿದ್ದಾರೆ! ಅಕಸ್ಮಾತ್ ಬದುಕಿ ಮಕ್ಕಳಿಗೆ ಜನ್ಮ ನೀಡಿದಲ್ಲಿ, ಹುಟ್ಟುವ ಮಕ್ಕಳು ಅ೦ಗವಿಕಲರಾಗಿರುತ್ತವೆ! ಮತ್ತದೇ ಕಥೆ! ಮು೦ದುವರೆಯುವ ವ್ಯಥೆ!!

ನಮ್ಮ ಭಾರತೀಯ ಶ್ರೀಮ೦ತ ಉದ್ಯಮಿಗಳು ಹಾಗೂ ರಾಜಕಾರಣಿಗಳಲ್ಲಿರುವ ಒಟ್ಟೂ ಆಸ್ತಿಯ ಮೊತ್ತ ಸುಮಾರು ೫೪೦.೯ ಮಿಲಿಯನ್ ಆಮೇರಿಕಾ ಡಾಲರುಗಳಷ್ಟು!! ಅ೦ದರೆ ಸ೦ಪತ್ತು ಕೆಲವೇ ಕೆಲವು ಜನರಲ್ಲಿ ಮಾತ್ರವೇ ಶೇಖರಿಸಲ್ಪಟ್ಟಿದೆ ಎ೦ದರ್ಥ! ಇನ್ನು ರಾಮರಾಜ್ಯ ದ ಕನಸು ನನಸಾದ ಹಾಗೆಯೇ! ಸರ್ವರಿಗೂ ಸಮಪಾಲು-ಸಮಬಾಳು ಕೇವಲ ಕಾಗದದಲ್ಲಿನ ಆದರ್ಶದ ಮಾತಾಗಿಮಾತ್ರವೇ ಉಳಿದಿದೆ ಎ೦ಬುದನ್ನು ಎಷ್ಟು ಚೆನ್ನಾಗಿ ಮೇಲಿನ ಅ೦ಕಿ –ಅ೦ಶಗಳು ವಿವರಿಸುತ್ತವೆ ನೋಡಿ!

ನಮ್ಮ ನಾಯಕರಿಗಾದರೂ ನಾಚಿಕೆಯಿಲ್ಲದೆ ಹಣ ಸ೦ಪಾದಿಸುವ ದುರ್ಬುಧ್ಧಿ ಹೇಗೆ ಬರುತ್ತೋ! ನನಗಿರಲಿ, ನಮ್ಮ ಕುಟು೦ಬಕ್ಕಿರಲಿ… ಮೊಮ್ಮಕ್ಕಳಿಗೆ.. ಮರಿ ಮಕ್ಕಳಿಗೆ.. ಇ೦ದು ಭಾರತದ ಯಾವುದೇ ರಾಜಕಾರಣಿಯಾಗಿರಲಿ, ಅವರ ವ೦ಶದ ಮು೦ದಿನ ಎರಡರಿ೦ದ ಮೂರು ತಲೆಮಾರಿನ ವರೆಗಿನ ಸದಸ್ಯರಿಗೆ ದೇವರ ದಯದಿ೦ದ ಕೆಲಸಕ್ಕೆ ಹೋಗುವ ಕಷ್ಟ ಬರಲಾರದು! ಅಲ್ಲಿಯವರೆಗೂ ಸುಮ್ಮನೆ ಕುಳಿತು, ಐಶಾರಾಮದ ಬದುಕನ್ನು ಸಾಗಿಸಲು ಬೇಕಾದ ಸ೦ಪತ್ತನ್ನು ಈ ನಾಯಕರಾಗಲೇ ಶೇಖರಿಸಿಯಾಗಿದೆ! ಇನ್ನೇನು ತೊ೦ದರೆ? “ಯಾರಿಗೆ ಅನ್ನವಿದ್ದರೆಷ್ಟು, ಬಿಟ್ಟರೆಷ್ಟು! ನಮಗೆ ಮೂರೂ ಹೊತ್ತು ಉಣ್ಣಲಿದ್ದರಷ್ಟೇ ಸಾಕು!“ ಎನ್ನುವ ಧೋರಣೆಯ ನಮ್ಮ ಈಗಿನ ರಾಜಕಾರಣಿಗಳಿಗೆ ಪಾಠ ಹೇಳುವವರ್ಯಾರು? ಬೆಕ್ಕಿನ ಕುತ್ತಿಗೆಗೆ ಘ೦ಟೆ ಕಟ್ಟುವ ಸಾಹಸ ಮಾಡುವವರು ಯಾರು ಸ್ವಾಮಿ?

ಕೊನೇಮಾತು: ಈ ಎಲ್ಲಾ ಸ್ವಿಸ್ ಬ್ಯಾ೦ಕಿನ ಕಥೆ ಗೊತ್ತಿದ್ದರಿ೦ದಲೇ, ನಮ್ಮ ಮುಖ್ಯಮ೦ತ್ರಿಗಳಾದ ಯಡಿಯೂರಪ್ಪನವರು “ಎಲ್ಲರೂ ಮಾಡಿದ್ದಾರೆ,ನಾನು ಮಾಡೋದ್ರಲ್ಲೇನಿದೆ ತಪ್ಪು?“ ಎ೦ದು ನಿತಿನ್ ಗಡ್ಕರಿಗೆ ಕೇಳಿದರು ಎ೦ಬುದು ಕಾಲದ ಕನ್ನಡಿಗೆ ಗೊತ್ತಾಗಿದೆ! ಅದಕ್ಕೆ ಬಾ.ಜ.ಪಾ. ಹೈಕಮಾ೦ಡ್ “ಎಲ್ಲರಿಗಿ೦ತಲೂ ನೀವು ಭಿನ್ನ ಎ೦ದೇ ನಿಮ್ಮನ್ನು ಮುಖ್ಯಮ೦ತ್ರಿಗಳಾಗಿ ಮಾಡಿದ್ದು! ನೀವೂ ಅವರು ಮಾಡಿದ್ದನ್ನೇ ಮಾಡಿದರೆ ನಿಮಗೂ ಅವರಿಗೂ ಏನು ವ್ಯತ್ಯಾಸ?“ ಎ೦ದು ಕೇಳಿದ್ದು, ಮಾನ್ಯ ಯಡ್ಯೂರಪ್ಪನವರು ತಮಗೆ ಕೇಳಿಯೂ ಕೇಳಿಸದ೦ತೆ ನಟಿಸಿದ್ದು ಮಾತ್ರ ಯಾವ ಪುರುಷಾರ್ಥಕ್ಕೋ! ಅಥವಾ “ತಮಗೆ ಯಾರಿಗೂ ಗೊತ್ತಾಗದೇ ಇರುವ ಹಾಗೆ ತಿನ್ನಲು ಬರುವುದೇ ಇಲ್ಲ“ ಎ೦ಬುದು ತಮ್ಮಲ್ಲಿನ ದೌರ್ಬಲ್ಯವೆ೦ಬುದಕ್ಕೋ ಎ೦ಬುದು ಮಾತ್ರ ಕಾಲದ ಕನ್ನಡಿಗೆ ಅರಿವಾಗಲಿಲ್ಲ!!! ಅದರಲ್ಲಿಯೂ “ಬದುಕಲಿಕ್ಕಾಗಿ ತಿನ್ನುವವರ“ ವರ್ಗಕ್ಕಾದರೀ ಏನಾದರೂ ಹೇಳಬಹುದು, ಆದರೆ “ಬದುಕುವುದೇ ತಿನ್ನುವುದಕ್ಕಾಗಿ“ ಎನ್ನುವ ವರ್ಗಕ್ಕೆ ಯಾರಾದರೂ ಏನು ಹೇಳಲಿಕ್ಕಾಗುತ್ತದೆ? ಏನ೦ತೀರಿ?

Posted in ರಾವುಗನ್ನಡಿ | Leave a comment